«Туймаада» ансаамбыл – Гран-при кыайыылааҕа

Саха сирин култуураҕа уонна духуобунай сайдыыга миниистирин солбуйааччыта Марина Силина иһитиннэрбитинэн, күрэх алтынньы 28-30 күннэригэр «Триумф» айар холбоһук эгидатынан, Елена Образцова Муусукаҕа норуоттар икки ардыларынааҕы академиятын өйөбүлүнэн ыытылынна.

«Туймаада» ансаамбыл артыыстарын үрдүк ситиһиилэринэн эҕэрдэлиибин. Кинилэр 2023 сыл кулун тутар ыйыгар Москваҕа ыытыллар Fossart Култуура уонна искусство эйгэтин бириэмийэтин 3-с Норуоттар икки ардыларынааҕы күрэххэ кыттар буоллулар», - диэн Марина Силина иһитиннэрдэ.

Алтынньы  26-27 күннэригэр Казаньҥа ыытыллыбыт I-кы Норуоттар икки ардыларынааҕы  түүр омуктар эстрадаларын «Восточный базар. Россия-Казань» бэстибээлигэр Саха сириттэн «Туймаада» ансаамбыл эр дьонун састааба, виртуоз-хомусчуттар Варвара Степанова уонна Нарияна Ренанто, ырыаһыт Дарья Лаврова кыттыбыттара.

Бэстибээлгэ Алтай, Башкирия, Чувашия, Дагестан, Хакасия, Тыва, Крым, Казахстан, Узбекистан, Туркменистан, Таджикистан, Азербайджан, Гагаузия, Турция, Кытай артыыстара кытыннылар. Кыттааччылары Сергей Лавров, Ольга Любимова, Михаил Швыдкой уонна да атын салайааччылар видео нөҥүө эҕэрдэлээтилэр. Бэстибээл бочуоттаах ыалдьытынан Узбекистантан Фаррух Закиров салайааччылаах аатырбыт «ЯЛЛА» ансаамбыл буолла.

Сэтинньи 2 күнүгэр артыыстар Бурденко госпиталыгар анал байыаннай эпэрээссийэҕэ бааһыран эмтэнэ сытар байыастарга кэнсиэр көрдөрөллөр уонна сэтинньи 4 күнүгэр бырабыыталыстыба кэнсиэртиир саалатыгар Норуот сомоҕолоһуутун күнүгэр аналлаах тэрээһиҥҥэ кытталлар.