Тутуу салаата «Үтүө санаа харыйата» аахсыйаҕа кытынна

Олохтоох дьаһалта үлэһиттэрэ сылын аайы ыытыллар «Үтүө санаа харыйата» аахсыйаҕа көхтөөхтүк кытталлар. Ол курдук, бу күннэргэ аахсыйаҕа Тутууга салаата кытынна.

«Үтүө санаа харыйата» аахсыйаҕа куорат баһылыгын солбуйааччы Антон Алексеенко, Дьиэ-уот сыһыаннаһыыларыгар департамент салайааччылара уонна исписэлиистэрэ, Куораты тутуу уонна тырааныспар инфраструктуратын департамена, «Главстрой» МХТ, «ЯПАК» МУТ кытыннылар.

Аахсыйа чэрчитинэн, ким баҕалаах, оҕо дьиэлэрин иитиллээччилэрин уонна коррекционнай оскуола үөрэнээччилэрин баҕа санааларын толоруохтарын сөп. Тэрээһиҥҥэ кыттарга оҕо аата суруллубут аккырыыкканы талан баран, ол оҕоҕо саҥа дьыллааҕы бэлэх оҥоһуллар.  

Санатар буоллахха, аахсыйа сэтинньи 20 күнүттэн ахсынньы 29 күнүгэр диэри ыытыллар. Быйыл «Үтүө санаа харыйата» аһымал аахсыйа Дьокуускайга «Бубль-Гум» маҕаһыын икки филиалыгар ыытыллар: Кальвица уул., 14/5 уонна Дзержинскэй уул., 71. Ким баҕарар, атыыласпыт бэлэҕин кытта хаартыскаҕа түһэн, «ЁлкаДобра2024» хэштэгтээх социальнай ситимнэргэ угуон сөп.