31.10.2021 | 15:00

Тустуу үгэстэригэр иитии, дьарык туһунан саҥа кинигэ

Хомуурунньук-кинигэ В.П. Керемясов аатынан Дьокуускайдааҕы тустууга аналлаах 3 №-дээх оҕо спортоскуолата төрүттэммитэ 20 сылыгар анаммыт.
Тустуу үгэстэригэр иитии, дьарык туһунан саҥа кинигэ
Ааптар: Баһылай Посельскай
Бөлөххө киир

2018 сыллаахха үбүлүөйү көрсө ыытыллыбыт научнай-практическай конференция матырыйааллара, тыл этиилэр, спортоскуола үлэтин көрдөрөр ыстатыйалар, эдэр спортсменнары иитии проблемалара, күрэхтэһиилэри тэрийэн ыытыы боппуруостара, Дьокуускай куоракка көҥүл тустуу сайдыытын историческай түһүмэхтэрэ болҕомто киинигэр тураллар.

Пандемия мэһэйдээн уонна үбүлээһинэ кыайтарбакка, хомуурунньук М.К. Аммосов аатынан ХИФУ Издательскай дьиэтин типографиятыгар 100 ахсаанынан 90 сирэйдээх бэчээттэнэн таҕыста. Ааптардар 20-чэ сыл спортоскуолаҕа дириэктэрдээбит, бэтэрээннэргэ аан дойду чемпиона Федот Архипович Соловьев уонна билигин дириэктэрдиир, хапсаҕайга өрөспүүбүлүкэ икки төгүллээх чемпиона Василий Васильевич Уйгуров.

Үлэлээбит тренердэр матырыйааллара, 2020 сыл ситиһиилэрэ, таблицалар бааллар. Федот Архипович 1998 сылтан саҕалаан, спортоскуола төрүттэниэҕиттэн хас биирдии тустуук оҕо ситиһиитин сурунан испит биэс дневнигэ Василий Васильевич таблица оҥортоон, көмпүүтэргэ түмэн киллэрэн, дириҥ ырытыыны (анаалыс) оҥороругар төһүү буолбут. Онон дириҥ хорутуулаах уонна сыралаах үлэ барбыт. Владислав Андреев Европа чемпионатыгар түөрт төгүл миэстэлэспитэ, аан дойдуга боруонса мэтээли ылбыта, Аан дойду Кубогын кыайбыта, оҕолорго Иван Оконешников аан дойдуга бастаабыта, Петр Константинов үһүс миэстэлэммитэ, Европаттан оҕолорго Егор Слепцов боруонсаны ылбыта, өрөспүүбүлүкэ, Уһук Илин, Арассыыйа күрэхтэһиилэригэр хас оҕо хаста бастаабыта барыта суруллубут. Сиһилии үчүгэй информациялар бааллар. Ситиһиилэр үлэлэр түмүктэринэн кэлбиттэрэ, бэлэмнээх оҕолор көбүөргэ тахсаллара дьэҥкэтик көстөр. Оҕолор хамаандалара 2017 сыллаахха  Аризона штатыгар тиийэн матчевай көрсүһүүгэ АХШ оҕолорун хамаандатын 8:4 хоппуттара сөхтөрөр. 2018 сылга 3 № спортоскуола иитиллээччилэрэ өрөспүүбүлүкэ оҕолорун сүүмэрдэммит хамаандатын кытта табаарыстыы көрсүһүүгэ 6:3 кыайбыттар.

Кинигэҕэ тренердэр үлэлэрин сүнньүнэн суруйталаабыт ыстатыйалара киирбиттэр. Аан дойдуга хайдах миэстэлэспиттэрин сиһилии ырыппыттар. Көҥүл тустууга бэтэрээннэргэ аан дойду чемпионнара Иннокентий Кочкин, Федот Соловьев барыларыгар үтүө холобурунан туһаналлар. М.К. Аммосов аатынан ХИФУ физическэй култуураҕа уонна спорка институтун преподавателэ Светлана Ушкановалыын бииргэ үлэлэһэннэр, бу кинигэлэри таһаартардылар. Тренер Михаил Михайлович Каженкин уонна Иван Иванович Соркомов үлэлэрэ экспериментальнай балаһаакка быһыытынан билиниллибит. Тэттик хомуурунньук кинигэ тренердэр туһаналларыгар билиһиннэрэр матырыйаала элбэх. 25 сыллаах үбүлүөйдэригэр үлэһиттэр хайдах усулуобуйаҕа кэлбиттэригэр, туох хамсааһын барбытыгар сорудахтаахтар. Научнай-методическай үлэҕэ кытталлар, санааларын этэллэр, сүбэлэһэллэр.

Спортоскуола түмсүүлээх, чөл олохтох кэлэктиибин үлэһиттэрэ, тренердэр үбүлүөйдэригэр анаммыт спартакиаданы тэрийэннэр, бэйэлэрин икки ардыларыгар спорт сэттэ көрүҥэр күрэхтэспиттэр. Урукку уонна билиҥҥи дириэктэрдэр Василий Уйгуров бастаабыт, Федот Соловьев иккис, тренер Иван Соркомов үһүс миэстэлэри ылаттаабыттар.

Өр сылга бииргэ үлэлэспит үөлээннээхтэрэ, Арассыыйа үтүөлээх тренерэ Валерий Петрович Керемясов сырдык аатын үйэтитэр дьаһаллар чэрчилэринэн, спортивнай муннукка тус олоҕо, бөҕөс, тренер быһыытынан ситиһиилэрэ көрдөрүллэллэр. Дьокуускай куоракка уулусса ааттаммыта, киин куорат чемпионата ыытыллар. Спорт оскуола тэлгэһэтигэр Валерий Керемясов бюһа туруоруллуоҕа. Мэрияны кытта кэпсэтии баран, уулусса суола саҥардыллан, олохтоохтор махталларын ыллылар.

Хомуурунньук-кинигэ дизайна көрөргө тупсаҕай, ис хоһоонноох гына киэргэтиллибит. Титульнай лииһэ, кинигэ тас көстүүтэ, уруһуйа дириҥник толкуйдаммыт, тылтан олоххо киирэр идеялаах. Аар баҕарах тиит мас силистэрэ улаатан, сэбирдэхтэрэ элбээн, эбиллэн иһэллэр. Хас биирдии сэбирдэх спорт оскуола иитиллээччилэрин кэрэһэлиир, тустуу оскуолатын былыргы историята, хапсаҕай, аныгы көҥүл тустуу, модьу-таҕа силистэр аарыма тиит куурбатын-хаппатын диэн эрэллээхтик туталлар. Сүүстэн тахса Арассыыйа чемпиона, призердар тиит лабаалара, сэбирдэхтэрэ буолан силигилииллэр.

Күннээҕи үлэҕэ туһаныллыан сөптөөх, айымньылаах үлэҕэ ыҥырар-угуйар бэртээхэй пособие тахсыбыт.

Үлэ-олох күөстүү оргуйар!

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...
Олоҥхо ыһыаҕар анаан Дьокуускайтан айанныыр паром ахсаана элбэтиллэр
Сонуннар | 14.06.2024 | 10:17
Олоҥхо ыһыаҕар анаан Дьокуускайтан айанныыр паром ахсаана элбэтиллэр
XVII-с өрөспүүбүлүкэтээҕи Олоҥхо ыһыаҕа быйыл бэс ыйын 20-21 күннэригэр Аммаҕа Муона чараҥа айылҕа маанылаах миэстэтигэр ыытыллаары турар.  Ыһыах мааны ыалдьыттарынан өрөспүүбүлүкэ 32 муниципальнай тэриллиититтэн 15 тыһыынчаттан тахса киһи буолуоҕа. Айанньыттарга анаан «Дьокуускай – Аллараа Бэстээх» хайысханан 15 паром сылдьыаҕа, Амма сэлиэнньэтин иһинэн оптуобустар, ыһыах түһүлгэтигэр тиэрдэр шатллар сүүрүөхтэрэ. Түһүлгэҕэ 3...