19.05.2022 | 14:00

Туризм туруорсар

Туризм туруорсар
Ааптар: Айыына КСЕНОФОНТОВА
Бөлөххө киир

Сотору кэминэн “ыалдьыт дьиэлэрэ” (“гостевые дома”) үлэлииллэрэ көҥүллэниэҕэ. Бу туһунан сокуон бырайыага оҥоһуллан, бырабыыталыстыбаҕа көрүллэр диэн Ростуризм салайааччыта Зарина Догузова ааспыт нэдиэлэҕэ иһитиннэрдэ.

Билиҥҥитэ “ыалдьыт дьиэлэрин” туһунан сокуоҥҥа суох. Курортнай куораттарга нэһилиэнньэ онон айаҕын ииттэн олороро кистэл буолбатах. Ол курдук, чааһынай дьон туристарга хосторун куортамҥа биэрэллэр эбэтэр элбэх мэндиэмэннээх дьиэлэрин “ыалдьыт дьиэтэ” оҥороллор.

Зарина Догузова дьокутааттарга кэпсээбитинэн, сокуон бырайыага өр оҥоһуллубут, хас да түһүмэҕи ааспыт. Экономическай сайдыы министиэристибэтин кытта ыкса үлэлээбиттэрин түмүгэр, элбэх көннөрүү киллэриллибит.

Мунньах кыттааччылара бэлиэтээбиттэринэн, дойду элбэх региона бу сокуон ылылларын кэтэһэр. Ол курдук, туристар чуолаан Крымҥа отель оннугар “ыалдьыт дьиэлэрин” ордороллор эбит. Аҥаардас Краснодарскай, Алтайскай кыраайдарга, Крым уонна Алтай өрөспүүбүлүкэлэригэр маннык 15 тыһыынча эбийиэк баара биллэр.

Хонтуруола суох үлэлииллэрэ бары өттүнэн ночооттоох. Бастатан туран, турист бырааба көмүскэлэ суох. Иккиһинэн, дойду бүддьүөтэ элбэҕи сүүйтэрэр. Ол иһин Ростуризм “ыалдьыт дьиэлэригэр” сокуонунан көҥүл биэрэри туруорсар.

“Быйыл сайын сокуон кыайан ылыллыбат, ол эрээри сыл бүтүөр диэри бырайыак олоххо киирэрин ситиһиэхтээхпит. Оччоҕуна эһиилги сезоҥҥа үлэлиир кыахтаныаҕа”, – диэтэ Зарина Догузова Судаарыстыбаннай Дуума туризмҥа уонна туристическай инфраструктураҕа кэмитиэтин мунньаҕар.  

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...