11.07.2024 | 16:02

Туризм салаата экономиканы сайыннарыыны кытта быһаччы ситимнээх

Туризм салаата экономиканы сайыннарыыны кытта быһаччы ситимнээх
Ааптар: Киин Куорат
Бөлөххө киир

Бырабыыталыстыба бэрэссэдээтэлин солбуйааччы Кирилл Бычков бэҕэһээ, от ыйын 10 күнүгэр, өрөспүүбүлүкэҕэ туризм салаатын сайыннарыыга сыһыаннаах мунньаҕы ыытта.

 

Өрөспүүбүлүкэ салалтата бэлиэтээбитинэн, туризмы сайыннарыы экономика үрдээһинигэр саҥа саҕахтары арыйар. Онуоха инфраструктура, сибээс, суол-иис боппуруостара бастакы уочарат быһаарыллыахтаахтар. Сынньана кэлбит дьоҥҥо табыгастаах усулуобуйа тэриллиэхтээх, өҥө хаачыстыбата тупсуохтаах, ураты, интэриэһинэй маршруттар тэриллиэхтээхтэр. Ол иһигэр аэропорт терминалын өрөмүөнэ, гостиницалары тутуу, Туймаада ыһыаҕа, «Кыһын Саха сириттэн саҕаланар» бэстибээл курдук бөдөҥ култуурунай тэрээһиннэри сайыннарыы киирсэллэрэ бэлиэтэннэ.


Премьер Кирилл Бычков бэлиэтээбитинэн, индустрия иннигэр баараҕай соруктар тураллар, чуолаан ааспыт 2023 сылтан тастан киирэр турист ахсаанын үс төгүл элбэтэр, туристары олордор сирдэри тэрийэр, промышленнай туризм 10-тан итэҕэһэ суох көрүҥүн, оҕо туризмын 20 маршрутун арыйар, ону сэргэ Саха сирин потенциалын Арассыыйа регионнарыгар билиһиннэрэр соруктар тураллар.

Бырабыыталыстыба бэрэссэдээтэлин солбуйааччы маны сэргэ Саха сирин туризмын барытын билиһиннэрэр биир кэлим судаарыстыбаннай цифровой платформа баар буолуохтааҕын бэлиэтээтэ. Кини туризмы сайыннарыы дьарыктаах буолууну уонна экономика атын салааларын кытта быһаччы ситимнээҕин санатта.
Бэлиэтээн эттэххэ, 2023 сылга Саха сиригэр 235 тыһыынча турист кэлэн барбыт, ол эбэтэр 2022 сыллааҕар 11 % элбэх (212,5 тыһ.). Оттон 2019 сылтан туристар кэлиилэрэ 17 % үрдээбит (201,5 тыһ. киһи). 2024 сылга 250 тыһыынчаттан итэҕэһэ суох киһи кэлэрэ күүтүллэр.

Бүгүҥҥү күҥҥэ өрөспүүбүлүкэ территориятыгар 23 оператор туризм 170-ча араас көрүҥүн үлэлэтэр. 2023 сылга эбии 53 саҥа турбаза тэриллэн, 121 ахсааҥҥа тиийбит. Ол туһунан Ил Дархан уонна Бырабыыталыстыба пресс-сулууспата иһитиннэрэр.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Мария Мигалкина:   «Кэлии сиэмэлэринэн үлүһүйүмэҥ»
Дьон | 19.07.2024 | 10:00
Мария Мигалкина: «Кэлии сиэмэлэринэн үлүһүйүмэҥ»
Мин бүгүн ааҕааччыларбар, ордук хаһаайкаларга, 35 сыл үлэлээбит уопуттаах агроном, билигин биэнсийэлээх, дойдутугар сайылыы сылдьар Мария Семеновна Мигалкинаны кытта тэлгэһэтигэр тиийэн, үүнээйитин, сибэккитин көрө-көрө, дуоһуйа, астына кэпсэттим.   Сибэккигэ уоҕурдууну хото туттабын Бастатан туран ааҕааччыларга циния диэн сибэкки туһунан кэпсиэҕим. Урут биһиги “Циния обыкновенная” диэни олордор этибит, билигин “Циния кустовая” диэн...
Дьулустаан Ноговицын: ДЬУЛУС! ТУЛУС! КЫАЙ!
Дьон | 11.07.2024 | 10:00
Дьулустаан Ноговицын: ДЬУЛУС! ТУЛУС! КЫАЙ!
«Киин куорат» хаһыат бүгүҥҥү ыалдьыта – Туймаада туонатын Үрүҥ Тунах ыһыаҕын «Дыгын оонньуулара» күөн-күрэһин Таас Боотура, быйылгы күрэх муҥутуур кыайыылааҕа Дьулустаан Ноговицын.   Дьулустаан Ноговицын: – Дьокуускай куорат 1№-дээх баһаарынай чааһын байыаһа, төрөппүттэригэр соҕотох уол, эдьиийигэр быраат, тапталлаах кэргэн, үс оҕо амарах аҕата; – Мас тардыһыытыгар Саха Өрөспүүбүлүкэтин, Арассыыйа уонна аан...
Изабелла Попова: Сүрэхпэр сөҥөрбүт дьүөгэлэрим
Дьон | 19.07.2024 | 12:00
Изабелла Попова: Сүрэхпэр сөҥөрбүт дьүөгэлэрим
Арассыыйа үөрэҕириитин туйгуна, Саха сирин үөрэҕириитин бочуоттаах үлэһитэ, хас да кинигэ ааптара Изабелла Ильинична Попова бүгүн өрөгөйдөөх үбүлүөйүн көрсө өссө биир кинигэтин сүрэхтиир. Дьэ, кырдьык, сүрэхтиир... Сүрэҕин сылааһын иҥэрбит кинигэтин!   Ахтар-саныыр дьүөгэлэрим, Аламаҕай сэгэрдэрим, Саһарҕалаах сарсыардабын Сандаарытар куоларым!   Сүр... Сүрэх, сүрдээх, сүрэхтиир... Сахабыт тыла барахсан тугун бэрдэй! Биир тылтан силистэнэн-мутуктанан...