30.05.2022 | 18:00

Туристыыр бөлөхтөрү эрдэттэн регистрациялааҥ

Туристыыр бөлөхтөрү эрдэттэн регистрациялааҥ
Ааптар: Киин Куорат
Бөлөххө киир

Саха Өрөспүүбүлүкэтин быыһыыр сулууспата Саха сирин территориятынан айанныыр былааннаах туристарга уонна туристическай бөлөхтөргө, хайысханы уонна састаабы ыйан туран, эрдэттэн регистрацияланар ирдэнэрин санатар. Быыһыыр сулууспаны айанныах уон оробуочай күн иннинэ сэрэтиллиэхтээх. Бу туһунан «СӨ быыһыыр сулууспата» ГБТ пресс-сулууспата иһитиннэрдэ. 
Айаҥҥа барыах 10 күн иннинэ Саха Өрөспүүбүлүкэтин быыһыыр сулууспата табыгастаах уонна куттала суох маршруту, саппаас варианнары ыйан-кэрдэн биэрэр, бу хайысханан сылдьар төһө наадалааҕын туһунан быһаарыы ылыныллар. 
Гражданнарга табыгастаах буоллун диэн регистрация судургутуллубут. Ол курдук, Саха сиригэр Быыһыыр сулууспаҕа маршруту чопчу ыйан туран иһитиннэриини kcc-caxa@yandex.ru электроннай почтаҕа, эбэтэр ЫБММ СӨ кылаабынай управлениетын 14.mchs.gov.ru официальнай сайтыгар «Регистрация туристских групп» пуорманы толорон ыытыахха сөп. 
Итини сэргэ былааннаммыт похуот туһунан почтанан эбэтэр «СӨ быыһыыр сулууспата» ГБТ тиийэн иһитиннэриллэр. Аадырыһы, туристыыр бөлөх салайааччытын араспаанньатын, аатын, аҕатын аатын, бөлөх хас кыттааччылааҕын, маршрут ханан ааһарын, ханна тохтуулларын, тиийиэхтээх сирдэрин, тэрээһин болдьоҕун булгуччу чопчу ыйыллыахтаах. 
Иэдээҥҥэ түбэһиини биллэрэр бэлиэ киирдэҕинэ, быыһааччылар суһаллык көрдүүр-быыһыыр үлэни саҕалыыллар. Өскөтүн регистрацияламматах бөлөх быһылааҥҥа түбэстэҕинэ, көрдөөһүн болдьоҕо уһуурун, бириэмэ халтайга ыытылларын туристар өйдүөх тустаахтар. Онон, бэйэҕитин уонна чугас дьоҥҥутун харыстааҥ, булгуччу регистрацияны ааһыҥ!
Саха Өрөспүүбүлүкэтин быыһыыр сулууспата туристарга тэрээһиҥҥэ боччумнаахтык сыһыаннаһан, маршруту эрдэттэн толкуйдаан, экипировканы бэлэмнээн, бөлөх кыттааччыларын эт-хаан, доруобуйа туругун өттүнэн кыахтарын учуоттаан, «СӨ быыһыыр сулууспата» ГБТ иһитиннэрии-сайаапканы ыытан баран биирдэ айаҥҥа туруналларыгар сүбэлиир. 
Саха Өрөспүүбүлүкэтигэр туристыыр бөлөхтөрү регистрациялыыр электроннай почта аадырыһа: kcc-caxa@yandex.ru. 
«СӨ быыһыыр сулууспата» ГБТ аадырыһа: Дьокуускай куорат, Дзержинскэй уул., 12/1, төлөпүөн нүөмэрэ: (4112) 34-13-34, ыксаллаах быһыыны-майгыны сэрэтэр уонна туристарга куттал суоһаабатын хааччыйар салаа»;
Нерюнгри куорат, Нерюнгритааҕы көрдүүр-быыһыыр этэрээт, төлөпүөн нүөмэрэ: 8 (41147) 4-18-91;
Томмот куорат, Алданнааҕы көрдүүр-быыһыыр этэрээт, төлөпүөн нүөмэрэ: 8 (41145) 4-41-01;
Үөһээ Бүлүү сэлиэнньэтэ, Бүлүүтээҕи көрдүүр-быыһыыр этэрээт, төлөпүөн нүөмэрэ: 8 (41133) 4-15-01;
Ньурба куорат, Ньурбатааҕы көрдүүр-быыһыыр этэрээт, төлөпүөн нүөмэрэ: 8 (41134) 2-20-26;
Ленскэй куорат, Ленскэйдээҕи көрдүүр-быыһыыр этэрээт, төлөпүөн нүөмэрэ: 8 (4113) 72-51-11;
Орто Халыма куорат, Халыматааҕы көрдүүр-быыһыыр этэрээт, төлөпүөн нүөмэрэ: 8 (41156) 4-18-37.
Чурапчы сэлиэнньэтэ: 8962-736-25-36;
Ытык Күөл сэлиэнньэтэ: 8984-112-51-50;
Сунтаар сэлиэнньэтэ: 8914-256-37-67;
Баатаҕай бөһүөлэгэ: 8914-301-87-25.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.