Тупсарыы бырайыагар сайаапкалары хомуйаллар

Уокуруктааҕы дьаһалта куораты тутууга уонна тырааныспар инфраструктуратыгар Департамена сэтинньи 26 күнүттэн элбэх кыбартыыралаах дьиэлэр тиэргэннэрин  «Уһук Илиҥҥэ 1000 тиэргэн» тупсарыы бырайыагар киллэрэргэ этиилэри хомуйар. Бырайыак кыттыылаахтарынан элбэх кыбартыыралаах дьиэлэр олохтоохторо-бас билээччилэрэ буолуохтарын сөп. Бу туһунан Уокуруктааҕы дьаһалта пресс-сулууспата иһитиннэрдэ. 
Департамент начаалынньыга Северина Архипова бырагыраамаҕа кыттыы сүрүн усулуобуйатын чопчулаата. Кыбартыыра бас билээччилэрэ сир учаастагын, тиэргэҥҥэ баар тэрили уонна да атын материальнай эбийиэктэри уопсай баайга-дуолга киллэрэр туһунан быһаарыыны ылыныахтаахтар. Дьиэ-уот сокуонугар олоҕуран, быһаарыы олохтоохтор уопсай мунньахтарын боротокуолугар киириэхтээх. 
«Тиэргэн территорията уруккуттан кээмэйинэн кыра буолан элбэх тутуу ыытыллыбат, кыбаартал тупсарыытыгар комплекснай сыһыан наада. Оччоҕо тиэргэн территориятын сөптөөхтүк тыырыахха сөп, хайа эрэ өттүгэр оҕо сынньалаҥ зоната, атын өттүгэр – улахан дьон», – диэн быһаарда  Северина Архипова.
Тиэргэн территорияларын «Уһук Илиҥҥэ 1000 тиэргэн» тупсарыы бырайыагар киллэрэргэ этиилэри маннык аадырыска туттарыахха сөп: Октябрьскай уул., 20, 1-кы корпус, 1-кы этээс (докумуон тутар түннүк) эбэтэр 305 кэбиниэт, үлэ күнүгэр: бэнидиэнньиктэн чэппиэргэ диэри 9.00-18.00 ч., бээтинсэҕэ 9.00-17.00 ч., эбиэт 13.00-14.00 ч.
Сайаапкалары 2021 сыл ахсынньы 7 күнүгэр 18.00 чааска диэри туталлар.
Бары этиилэр киирбит күннэригэр сурунаалга регистрацияланаллар.