11.05.2022 | 13:00

Тупсаран оҥоһуллуохтаах уопсастыбаннай территорияны талабыт

Тупсаран оҥоһуллуохтаах уопсастыбаннай территорияны талабыт
Ааптар: Киин Куорат
Бөлөххө киир

Дьокуускай куоракка 2023 сылга тупсаран оҥоһуллуохтаах уопсастыбаннай территорияны сүүмэрдээһин рейтинговай куоластааһына салҕанар. Билиҥҥи туругунан 3 тыһыынча кэриҥэ куорат олохтооҕо бэйэлэрэ сөбүлээн сынньанар миэстэлэрин иһин куоластаатылар.  Бу туһунан Олохтоох дьаһалта пресс-сулууспата иһитиннэрдэ.
Куорат баһылыга Евгений Григорьев бэлиэтээбитинэн, рейтинговай куоластааһын – тупсаран оҥоһуллуохтаах уопсастыбаннай территорияны таларга саамай сөптөөх ньыма. 
«Ити куорат олохтоохторугар бэйэлэрин санааларын этэр уонна чопчу территорияны тупсарааһыҥҥа сабыдыаллыыр кыаҕы биэрэр. Бэйэҕит гражданскай позицияҕытын көхтөөхтүк көрдөрөргүтүттэн эһиил ханнык территория тупсара тутулуктаах.  Олохтоохтор санаалара – олус суолталаах фактор, итини биһиги тупсаран оҥорорбутугар учуоттуохтаахпыт. Төһөнөн элбэх олохтоох куоластыыр – оччононон ханнык территория бастакы уочарат оҥоһуллара арылхайдык көстөр», - диэн бэлиэтээтэ Евгений Григорьев.
Быйыл «Формирование комфортной городской среды» федеральнай бырайыак чэрчитинэн сүүмэрдээһиҥҥэ  5 уопсастыбаннай территория кыттар:

1.    Сайсары күөл кытылын уонна Ийэ скверин тупсаран оҥоруу;
Эбийиэккэ күөл тула бэлисипиэттэх дьон сырыытын тэрийии,  Ийэ скверигэр сатыы дьон сылдьар суолун, Ойуунускай уулуссатыгар сатыы туоруур муостаны тутуу, итиэннэ  «Триумф» СК таһыгар спортивнай зонаны оҥоруу былааннанар. Сайсары күөл кытылын устун, «Триумф» СК таһыгар аһаҕас бассейннар уонна тыы станцията оҥоһуллуохтаах. Территорияны тупсаран оҥоруу, суоллар уонна тротуардар хапытаалынай өрөмүөннэрэ, саҥа эбийиэктэр тутуулара, суол, сатыы сылдьар зона уонна спортивнай балаһааккалар сырдатыылара, Ийэ скверин хапытаалынай өрөмүөнэ былааннанар. 


2.    Роман Михайлович Дмитриев аатынан кытылы тупсаран оҥоруу; 
«Роман Михайлович Дмитриев аатынан кытылы тупсаран оҥоруу» бырайыак Кыайыы болуоссатын, Хабаров уулуссатын уонна Аччыгый Хатыыстаах арыытын холбуур суол устун уонна куорат сөтүөлүүр сиригэр олоххо киириэҕэ. Бырайыакка көрүллүбүтүнэн тротуардар, бэлисипиэт суоллара, амфитеатр оҥоһуллуохтара, куорат пляһа тупсарыллыаҕа, көҕөрдүү үлэтэ ыытыллыаҕа.

3.    Тутааччылар сквердэрин тупсаран оҥоруу;
Сквер учаастага Кальвица, Свердлов, Жорницкай уонна Пирогов уулуссаларын кольцевой быһа охсуһууларын киинигэр баар.
«Тутааччылар сквердэрэ» бырайыакка сынньанар зоналаах сатыы сылдьар сири аспааллааһын, парковканы, «Строительство» инсталляцияны, мастардаах газоннары оҥоруу киирэр.

4.    Кытылы Тимофей Сметанин «Лоокут уонна Ньургуhун» айымньытын  матыыбынан тупсаран оҥоруу;
Бырайыак быһыытынан арт-эбийиэктэр, бэлисипиэт парковкалара, сылаас павильон, аччыгый архитектурнай пуормалар, кирилиэстэр уонна пандустар баар буолуохтара, кытыл смотровой балаһааккалардаах, «Теплое» күөлү туоруур муосталаах тупсаран оҥоһуллуоҕа.

5.    Федор Кузьмич Попов аатынан сквери тупсаран оҥоруу;
Сквер Дзержинскэй уонна Федор Попов уулуссаларын быһа охсуһар территорияларыгар оҥоһуллар. Сквергэ Сэбиэскэй Сойуус Дьоруойа Федор Кузьмич Попов пааматынньыга баар буолуоҕа. Бырайыак быһыытынан сатыы сылдьар суоллар, көҕөрдүү, аччыгый архитектурнай пуормалар оҥоһуллуохтара.
Тупсаран оҥоһуллуохтаах уопсастыбаннай территорияны сүүмэрдээһин онлайн-форматынан ыытыллар. Эбийиэктэри кытта сиһилии https://14.gorodsreda.ru/ Бүтүн Арассыыйатааҕы онлайн-платформаҕа билсиэххэ сөп. 14-тэн аҕа саастаах хас биирдии куорат олохтооҕо 2022 сыл ыам ыйын 30 күнүгэр диэри сөбүлээбит варианыгар куоластыан сөп.
Испииһэктэн, бэйэҕит санааҕытыгар, бастакынан тупсаран оҥоһуллуохтаах уопсастыбаннай территорияны талыҥ.
«Формирование комфортной городской среды» федеральнай бырайыак сүрүн соруга — Арассыыйа территориятыгар баар муниципалитеттар сайдыыларыгар саҥа тыыны биэрии. Саамай элбэх куолаһы ылбыт уопсастыбаннай территориялар эһиилгиттэн тупсаран оҥоһуллан барыахтара. 
Куораппытын бары өттүнэн табыгастаах оҥоруоҕуҥ! Куораппыт сайдыытыгар кыттыҥ!

Сонуннар

Ордук ааҕаллар

Саллаат таҥарата — ийэтэ, кэргэнэ
Сонуннар | 08.03.2024 | 09:30
Саллаат таҥарата — ийэтэ, кэргэнэ
Наталья Андреевна Охлопкованы анал байыаннай дьайыыга сылдьар уолаттар олус убаастыыллар, ытыктыыллар, олох дьоруой курдук саныыллар диэни истэн баран, булан кэпсэтэргэ санаммытым уонна, чахчы да, дьоруойдар тыылга эмиэ бааллар эбит диэн санааҕа кэллим.
Хатаска саҥа спорт комплекса арылынна
Сонуннар | 13.03.2024 | 14:09
Хатаска саҥа спорт комплекса арылынна
Хатас урут даҕаны, билигин даҕаны чөл-чэгиэн дьонунан тутахсыйбатаҕа. Ол гынан баран ол туһугар усулуобуйа наадатын бары да өйдүүбүт. Иллэрээ күн, кулун тутар 12 күнүгэр, баҕа санаа туолара маннык эбит диэххэ диэри сабыс-саҥа “Дьулуур” спорт комплексын киэҥ уораҕайа аанын тэлэччи арыйда. Этиллибит кэмҥэ дьон устар сүүрүктүү хотоҕостуу субуллан, 400 миэстэлээх саала...
Норуот эмтиэкэтэ
Тускар туһан | 08.03.2024 | 12:00
Норуот эмтиэкэтэ
Аныгы үйэ буолан үгүспүт социальнай ситимнэри ааҕар, туттар, кэтиир-маныыр. Манна наадалаах, туһалаах сүбэлэр хото суруллаллар. Ону биһиги бүгүн ааҕааччыларбытыгар дьиҥнээхтии көмөлөспүт дьон суруйбуттарын, айылҕалаахтар да эппиттэрин көрөн бэчээттиэхпит. Ол эрээри, барытын туттан, туһанан испэккитигэр сүбэлиибит, бэйэҕит эккит-сииҥҥит тугу ирдиирин, быраас сүбэтин тутуһаргыт ордук.   Куртах бааһын (язва) оһордор ас туһунан Устудьуоннуу...
Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.