20.11.2021 | 13:00

Туора күрдьэҕинэн бизнес

(Элбэх оҕолоох Павловтары өйүөххэ)
Туора күрдьэҕинэн бизнес
Ааптар: Розалия Томская
Бөлөххө киир

Александр Иванович уонна Оксана Алексеевна Павловтар (@big_fam_pavlove) – элбэх оҕолоох приемнай дьиэ кэргэн. Билигин 4 сааһыттан 17-гэр диэри 12 иитэр оҕолоохтор, 6 выпускник оҕолоохтор – ол аата кинилэр номнуо суолларын булбут, үлэлэнэн, үөрэхтэнэн туспа барбыттар. Бэйэлэрэ 4 төрөппүт оҕолоро эмиэ үлэлии-хамсыы сылдьар, улааппыт дьон.

Хаар ыраастыыр туора күрдьэх оҥорон атыылаан саҕалаабыттара үс сыл буолбут. “Күрдьэҕи атыылаары эрэ буолбакка, бастатан туран, оҕолору үлэҕэ уһуйаары, инструменынан туһана үөрэтээри дьарыктанабыт. Уолаттарбын эр киһи туттар араас инструменнарыгар, тоһоҕону саайыыттан саҕалаан сваркалыыр аппараты туттарга тиийэ, үөрэтэр баҕа санаалаахпын. Оҕолорбун балыкка, булка, үлэҕэ барытыгар батыһыннара сылдьабын”, - диэн аҕалара Александр Павлович кэпсиир.

Бастаан оҕолорбут оҥорор күрдьэхпитин атыылаан көрүөххэ диэн идея укпуттара. Бу күрдьэхпит атыытыттан киирбит харчынан спортивнай инвентарь ылабыт. Холобур, бу саас хайыһардарын саҥардыбыппыт, балаакка ылбыппыт. Атах таҥаһа, сүрүннээн кроссовка элбэхтик ылабыт – спордунан дьарыктанар оҕо кроссовката түргэнник элэйэр. Боксанан дьарыктанар уолаттардаахпыт – биир оҕоҕо үс паара атах таҥаһа наада, ох саанан эмиэ дьарыктаналлар – оҕун сакаастаан ылар эмиэ ботуччу сыаналаах. Ол иһин илиибитинэн тутан-хабан оҥорон таһаарар күрдьэхпитин атыыга киэҥник таһааран эбии дохуот оҥосторбут биһиэхэ олус табыгастаах.

Павловтар туора күрдьэхтэрэ хаачыстыбалаах фанераттан оҥоһуллар. Күрдьэх кытыыта тимир илиистэнэр буолан ордук үйэлээх. Ыйааһына чэпчэки, тутарга-хабарга олус табыгастаах. Угугар баһаарга сиэммит ойуурдары кэрийэн, куруҥ титириктэри хомуйан ылаллара хайҕаллаах.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.