18.01.2023 | 19:45

Тулагылар Олохтоох дьаһалта үлэтин туйгунунан сыаналаатылар

Тулагылар Олохтоох дьаһалта үлэтин туйгунунан сыаналаатылар
Ааптар: Киин Куорат
Бөлөххө киир

Тохсунньу 17 күнүгэр куорат баһылыга Евгений Григорьев Олохтоох дьаһалта үлэтин Тулагы Киллэм нэһилиэгин олохтоохторун иннигэр отчуоттаата.  Ааспыт 2022 сылга Тулагы Киллэм нэһилиэгэр 72 №-дээх «Кэнчээри» оҕо саадыгар уонна 1.2 км усталаах Уваровская уулуссатыгар хапытаалынай өрөмүөн ыытыллыбыт. Уулусса-суол ситимин өрөмүөнэ 2023 сылга салгыы ыытыллар. Ол курдук, Первомайскай, Совхознай, Строительнай уулуссаларга 1,5 км усталаах суол ситимигэр, итиэннэ Сыырдаах бөһүөлэгэр Кымньыылаах уулуссатыгар өрөмүөн былааннанар. 2022 сылга нэһилиэк 19 олохтооҕо 5 саҥа кыбартыыраҕа киирбит. Сыырдаахха уонна Тулагыга туһааннааҕынан Уваровская, 22 уонна Связистар, 8 аадырыстарга эргэ дьиэлэр көтүрүллүбүттэр. 2023 сылга хаарбах дьиэттэн көһөрүү бырагыраамата салгыы үлэлээн, 17 кыбартыыраттан 41 киһи саҥа дьиэҕэ көһөрө күүтүллэр. «Сырдык столица» муниципальнй бырагырааманан үүммүт 2023 сылга Связистар уулуссаларыгар уот холбонуоҕа.  Тыа хаһаайыстыбатын бородууксуйатын оҥорон таһаарыы иитинэн өрөспүүбүлүкэ нэһилиэнньэтин олохтоох этинэн, үүтүнэн, сибиэһэй оҕуруот аһынан хааччыйыы иэнэ, хаачыстыбата тупсубута бэлиэтэннэ. Нэһилиэнньэ отчуот кыттыылаахтарыттан халаан уутуттан эмсэҕэлээһин кыһалҕатын, олорор дьиэлэри ИЖС категорияҕа көһөрүүнү, ынах сүөһүгэ мэччирэҥ тиийбэтин ыйыталаста. Олохтоохтор маны сэргэ куоракка киирэр оптуобустар интервалларын кылгатыыны, суол өрөмүөнүн, тутуу боппуруостарын туруорустулар. Мунньах түмүгүнэн тулагылар киин куорат Олохтоох дьаһалтатын 2022 сыллааҕы үлэтигэр «туйгун» сыанаты туруордулар.

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)