24.11.2021 | 14:30

Туһааннаах сулууспалар мууска тахсааһыны хонтуруоллууллар

Туһааннаах сулууспалар мууска тахсааһыны хонтуруоллууллар
Ааптар: Киин Куорат

Сэтинньи 23 күнүгэр Өлүөнэ эбэни дьон көҥүлэ суох туоруур сирдэригэр гражданскай оборонаҕа уонна ыксаллаах быһыыга-майгыга Управление, Дьокуускай куорат Административнай хамыыһыйата, ГИБДД уонна дьоҕус суудуналар судаарыстыбаннай инспекциялара кыттыылаах эриэйдэ ыытылынна. Бу туһунан Уокуруктааҕы дьаһалта пресс-сулууспата иһитиннэрдэ. 
2021 сыл сэтинньи 1 күнүттэн киин куорат территориятыгар уу эбийиэктэригэр куттал суох буолуутун ыйа саҕаланна. Дьокуускайдааҕы 2 №-дээх салаа дьоҕус суудуналарга судаарыстыбаннай инспектора  Михаил Дедюхин иһитиннэрбитинэн, кинилэр күннээҕи үлэлэрэ уу эбийиэктэрин хонтуруоллааһыҥҥа уонна куттал суоһаабатын хааччыйыыга, тырааныспар уонна гражданнар муус анныгар барбаттарын туһугар туһуламмыт. 
«Тырааныспар көҥүлэ суох мууска тахсарын кутталлаах диэн сэрэтэн тохтотобут. Билигин муус халыҥа тэҥэ суох, онон тырааныспар уонна дьон дэбигис муус анныгар түһэр кыахтаах диэн бэлиэтиххэ наада. Итини таһынан, өрүс сорох учаастактарынан билигин даҕаны сиикэй сытар, уу бычыахтыыр», – диэн кэпсээтэ судаарыстыбаннай инспектор.
Административнай хамыыһыйа 1 разрядтаах исписэлииһэ Дьулустан Тоскин информациятынан, көҥүлэ суох мууска киирии иһин физическэй сирэйдэр 3-тэн 5 тыһ. солк. диэри ыстарааптаныахтарын сөп. Оттон юридическэй сирэйдэргэ ыстараап 1 мөл. солк. кытта тиийэр эбит. 
«Административнай хамыыһыйа итинник кэһиилэр иһин СӨ КоАП 9.10 ыстатыйатыгар олоҕуран гражданнары уонна тэрилтэ салайааччыларын ыстарааптыан сөп. Бүгүн ГИБДД уонна ГИМС сотрудниктарын кытта бастакы кыттыгас эриэйдэбит буолла уонна өссө да Лена өрүһү туоруур суол аһыллыар диэри салҕаныахтара», – диэтэ  Дьулустан Тоскин.
Дьоҕус суудуналар судаарыстыбаннай инспекцияларын сотрудниктара гражданнартан бэйэлэрэ өйдөөннөр чараас мууска киирбэттэригэр көрдөһөллөр. 
Инспекция информациятынан, өрүһү туоруур суол быһа холоон 2021 сыл ахсынньы 10 күнүгэр арыллыахтаах.

Сонуннар

Ордук ааҕаллар

Хоһоон ааҕыытыгар аһаҕас күрэс
Сонуннар | 24.11.2021 | 16:00
Хоһоон ааҕыытыгар аһаҕас күрэс
Саха АССР төрүттэммитэ 100 сылын кѳрсѳ, Ньурба оройуонун Малдьаҕар нэhилиэгин В.И. Максимов аатынан орто оскуолата 100 сылынан, Малдьаҕар  нэhилиэгин бастакы учуутала,  Дьокуускайдааҕы учительскай семинария бастакы выпускнига (1914-1917с.с)., Ньурба улууһун исполнительнай комитетын бэрэссэдээтэлэ, бэрэссэдээтэл солбуйааччыта (1924-1927 с.с)., Бүлүү уеһын общественнай куттала суох буолуутун комитетын чилиэнэ, продовольственнай уонна сир управаларын бэрэссэдээтэлэ (1923...
“Тобуруокап күһүнэ – Иэйии биһигэ"
Сонуннар | 22.11.2021 | 14:30
“Тобуруокап күһүнэ – Иэйии биһигэ"
“Иэйии” кэммиэрсийэтэ суох литературнай түмсүү көҕүлээһининэн “Тобуруокап күһүнэ – Иэйии биһигэ" кинигэ   Хаҥалас улууһун киин библиотекатыгар сүрэхтэннэ.    Тэрээһини Хаҥалас улууһун "Өлүөнэ долгуннара" литературнай түмсүү салайааччыта Людмила Колесова уонна Хаҥалас улууһун кииннэммит библиотекатын сүрүн испэсэлииһэ Валентина Колесова иилээн-саҕалаан ыыттылар.  Куйаар нөҥүө Үөһээ Бүлүүттэн «Нам» МТ нэһилиэгин баһылыга Николай Иннокентьевич Кардашевскай, Петр...
Уһааттаах дьордьомоһуттар
Тускар туһан | 21.11.2021 | 11:00
Уһааттаах дьордьомоһуттар
Ааҕааччыларбар тиэрдиэхпин баҕарар кэпсээним 1990-1991 сылларга буолбута. Оччолорго Сойуус баар, сопхуостар тигинэччи үлэлии тураллар, дьон-сэргэ этэҥҥэ олорор, астаах-таҥастаах кэмэ.  Кэргэним суоппар идэлээх, сопхуос “Урал” лесовоз массыынатыгар үлэлиир, мин бастакы уол оҕобор олоробун. Атырдьах ыйа этэ. Дьон өрөбүл аайы, үлэлэриттэн быыс-арыт булан, бары сир астыыллар. Билиҥҥи курдук тыаҕа тахсан ыалларгын, илин-арҕаа...
Эһэ ытыырын көрбүтүм...
Тускар туһан | 21.11.2021 | 12:00
Эһэ ытыырын көрбүтүм...
Бу түбэлтэ туһунан ааспыт үйэ 80-с сылларын саҥатыгар кырдьаҕас булчуттан истэн турардаахпын. Баһылай диэн ааттаах кырдьаҕас оччолорго 70-ун ааспыт этэ, мин 30-чалааҕым. Сэтинньи ыйга уоппуска ылан дэриэбинэттэн уонтан тахса көстөөх сиргэ атынан бултуу таҕыстыбыт. Үүтээммитигэр ортотугар хонон тиийдибит. Айаннаан иһэн булт суолун арааһын көрдүбүт. Тайах суола хас үрүйэ, үрэх аайы...