«Триумф» спорткомплекска амбулатория киинэ үлэлиир

Тохсунньу 27 күнүгэр киин куорат «Триумф» спорткомплексыгар эбии амбулатория киинэ үлэтин саҕалаата. Бастакы күн 1 160 киһи сылдьыбыт. Бу туһунан Telegram-ханаалга регионнааҕы Суһал штаб салайааччытын солбуйааччы Ольга Балабкина иһитиннэрдэ.
«Эбии амбулатория киинэ «Триумф» спортивнай бэлэмнэнии Киинин баазатыгар үлэтин саҕалаата. Сарсыардаттан исписэлиистэр 1 160 киһини көрдүлэр», — диэн суруйда кини.
Киин өрөспүүбүлүкэ Ил Дархана Айсен Николаев сорудаҕынан тэрилиннэ. 
Манна ИХА анаалыһы ылар пуун, отрицательнай анаалыстаах дьоҥҥо анаммыт терпапевтическай, итиэннэ ПЦР-тест ыалдьыбыттарын көрдөрбүт пациеннарга, ону сэргэ больничнай лиистэри толорор кэбиниэттэр үлэлииллэр. 
Санатар буоллахха, бу күннэргэ «Триумфка» исписэлиистэр олохтоох бириэмэнэн 08.00 чаастан 20.00 диэри көрөллөр.