“Три Сосны” уулусса быстах кэмҥэ сабылынна

Дьокуускай куорат олохтоох дьаһалтатын тырааныспарга уонна суолга-иискэ управлениета иһитиннэрэринэн, от ыйын 21 күнүттэн “Три Сосны” уулусса Бүлүү трагыттан саҕалаан, 700 миэтэрэ уһуннаах учаастага быстах кэмҥэ сабыллыаҕа.

Манна «Трансстройсаха» ХЭТ   хапытаалынай өрөмүөн үлэтин ыытар. Суол урукку дьапталҕатын фрезеровкалааһын үлэтэ түмүктэннэ. Уот ситимин көһөрүү 70 бырыһыана туолла. Билигин суол олоҕун оҥороллор, бордюр туруораллар, уу сүүрэр лотуоктарын туруораллар. Бу туһунан Якутск.рф сайт иһитиннэрэр.