Тренери сокуон учууталга тэҥниэҕэ

Быйыл  «Тренер-преподаватель» диэн профессиональнай стандарт олоххо киириэҕэ. Ол аата спортивнай оскуолаларга уонна кииннэргэ үлэлиир тренердэргэ педагогическай үлэһит статуһун биэриэхтэрэ.

Бу барыта  «О физической культуре и спорте» сокуоҥҥа уларытыылары киллэрэр былаан туһунан РФ Бырабыыталыстыбатын дьаһалыгар баар.

Тренердэр педагогическай үлэһит статуһун ылыахтара, ону кытта бырааптара уонна эбээһинэстэрэ элбиир. Учууталлар курдук, сыллааҕы аттестацияны ааһыахтара уонна квалификацияларын бигэргэтиэхтэрэ, ону тэҥэ кинилэргэ педагогическай ыстаас ааҕыллар буолуоҕа.
2022 сыл балаҕан ыйын 1 күнүгэр диэри маннык уларыйыыларга ирдэнэр нуорма аахталарын бэлэмниэхтэрэ, оттон 2023 сыл тохсунньу 1 күнүгэр диэри миэстэлэригэр сокуон нуормаларын ылыныахтара.