Толору дезинфекция ыытыллар
Ыам ыйын 29-31 күннэригэр Дьокуускайга уопсастыбаннай сирдэрин дезинфекциялааһын төрдүс түһүмэҕэ ыытыллар
“Жилкомсервис” МУТ үлэһиттэрэ тротуардары, оҕо балаһааккаларын, оптуобус остонуопкаларын сүгэ сылдьар дезинфекциялыыр суурадаһыннары ыстарар "Посейдон" аппараттарынан обработкалыыллар.
Ыам ыйын 30 күнүгэр Губинскай, Октябрьскай уокуруктар уопсастыбаннай сирдэрэ, П.Алексеев уул., Ленин проспега, Ойуунускай уонна Поярков уулуссалара, тротуардара, остонуопкалара; Киин уонна Строительнай уокурукка оҕо балаһааккалара, ону тэҥэ Сынньалаҥ уонна Култуура паарката дезинфекцияланна. Уопсайа 84908 кв. м. иэннээх сир ыраастанна .
Ыам ыйын 31 күнүгэр, бүгүн, оҕо балаһааккалара уонна спортивнай балаһааккалар, тротуардар уонна остонуопкалар Автодорожнай уокурукка, Ильинкаҕа, Сайсарыга, Строительнай уонна Киин уокуруктарга дезинфекция ыытыланна.
Уопсайа 20 үлэһит: 10 дезинфектор, 5 суоппар, 5 координатор; 4 УАЗ массыына, оптуобус уонна уу тиэйэр массыына үлэлии сылдьаллар.
Санатан эттэххэ, “Жилкомсервис” МУТ тротуардарга, Оҕо балаһааккаларыгар, остонуопкаларга дезинфекцияны ыам ыйын 16 күнүттэн саҕалаабыта. “Якутдорстрой” АУо 13 уулуссаны, 6 болуоссаты ыстарар массыыналарынан обработкалыыр.
Дезинфекциялааһыҥҥа Роспотребнадзор ирдэбилигэр эппиэттиир, кыылга-сүөлгэ, дьоҥҥо-сэргэҕэ туох да буортута суох суурадаһын туттуллар. Үлэ барыта Дьокуускай куорат бүддьүөтүттэн үбүлэнэр.
Сонуннар
Ордук ааҕаллар
