19.03.2020 | 11:19

Тобоҕу-туһаҕа!

Тобоҕу-туһаҕа!
Ааптар: Киин Куорат
Бөлөххө киир

Сунтаар улууһун Уһун Күөл бөһүөлэгин Леонид Попов аатынан Арыылаах агротехнологическай хайысхалаах уопсай үөрэхтээһин орто оскуолатын 2-с кылааһын үөрэнээччитэ Даана Потапова (сал. алын сүһүөх учуутала Алексеева А.М.):

- Бастакы оҥоһукпар туттуллан бүппүт, быраҕыллаары сытар 5 л уу иһитэ (бытыылка) туһаҕа таҕыста. Ыламмын ортотунан быһан баран, икки өттүттэн орон таҥаһын хаҕыттан хаалбыт тутаахтары ииллим. Уонна түмүгэр араас оҕуруонан, изолентанан киэргэттим. Кимиэхэ даҕаны наадата суох быраҕыллаары сытар иһиппит хаҕа билигин биһиги дьиэ кэргэммитигэр кыра малы-салы угар абыраллаах иһит буолан турар.

Хас биирдии ыал дьиэтигэр хайаан даҕаны мас арыытын иһитэ ыйга хаста даҕаны бүтэн быраҕыллар буолуохтаах. Ол курдук биһиги дьиэ кэргэммитигэр эмиэ мас арыытын иһитэ туһата бүттэ даҕаны быраҕыллар. Ону көрөммүн мин мас арыытын хаппахтарыттан итии чаанньыгы, миискэни уурар подставка оҥорорго сананным. Подставкам ордук кыраһыабай, кэрэ көстүүлээх буоллун диэн биир өттүн хартыынаны сыһыаран киэргэтэн биэрдим.

Аныгы үйэ киһитэ суотабай төлөпүөнэ суох билигин ханна даҕаны барбат-кэлбэт буолла. Ону тэҥэ оҕоттон саҕалаан улахан киһитигэр тиийэ бары араас бытыылкалаах утахтары иһэр буоллубут. Онтон бу бытыылкабыт хаҕын ханна гынабыт? Утахпыт хаҕын туһаҕа таһаарарга сананным. Төлөпүөммүт батарын курдук бытыылка ыламмыт, иннин ортотунан быһабыт, онтон кэннин иннититтэн арыый даҕаны үрдүк гынабыт. Кэннитигэр төлөпүөммүт иитэр зарядката батарын курдук хайаҕас оҥоробут уонна түмүгэр барытын бэйэбит баҕабытынан киэргэтэбит. Иһиллибит утахпыт хаҕыттан төлөпүөммүтүн иитэрбитигэр олус туһалаах, наадалаах тэрил буолан таҕыста.

Хаартыскаҕа көстөр тутан турар дьэрэкээн кэрэ корзинабын маҕаһыынтан атыыласпатаҕым, баара-суоҕа ааҕыллан бүппүт хаһыаттан оҥорбутум. Хаһыат илииһин эрийэн баран, үрүт үрдүгэр корзина быһыытынан уурталаабытым уонна үрдүнэн корзинабын бүтүннүү кырааскалаабытым. Сүрдээх судургу, ол эрэн киһи хараҕа үөрэр-астынар кэрэ оҥоһуга.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...