20.11.2019 | 13:57

тобоҕу - туһаҕа

тобоҕу  - туһаҕа
Ааптар: Киин Куорат
Бөлөххө киир

Айылҕабытын харыстыыр, ыччаты дойдуга таптал, харыстабыллаах сыһыан тыыныгар иитэр, олохтоох оҥорон таһаарыыны сайыннарар сыалтан Аан дойдутааҕы Сир күнүн көрсө

Хаартысканан күрэх балаһыанньата:

“Тобоҕу – туһаҕа!” күрэххэ хаартыскалары тутуу алтынньы 24 күнүттэн кулун тутар  20 күнүгэр диэри ыытыллар.

Хаартыскалары konkurskiinkuorat@mail.ru электроннай почтанан, 8-914-270-64-04 бассаабынан тутабыт.

Күрэх сыала-соруга:

- Саха сирин экологиятын харыстааһын;

- Оҥорон таһаарыыны сайыннарыы;

- Бөҕү туһаҕа таһаарыы;

- Ыччаты төрөөбүт дойдуга, айылҕаҕа харыстабыллаах сыһыаҥҥа иитии.

Күрэххэ кытталлар:

Күрэххэ 7 сааһыттан ким баҕалаах олорор сириттэн тутулуга   суох кыттыыны ылар.

Кыттааччыларга ирдэбил:

Кыттааччылар оҥоһуктарын көрдөрөллөрүгэр, үчүгэйдик көстөр үрдүк хаачыстыбалаах хаартыска ыыталлар. Оҥоһугу ким, тугунан, хайдах оҥорбутун толору суруйан, кылгастык билиһиннэрэр тиэкистээх буолуохтаах.

Кэлэктиибинэн кыттыы биһирэнэр.

Күрэххэ көрүллэр оҥоһук көрүҥнэрэ:

Күрэх 3 көрүҥүнэн ыытыллар. Хас биирдии көрүҥҥэ кыайыылаахха анал аат иҥэриллэр.

Көрүҥнэрэ:

– Дьиэҕэ-уокка туттуллар мал-сал;

– Эргэ таҥаһы саҥалыы тыыннааһын;

– Нэһилиэк, улуус, куорат экологиятыгар туһалаах оҥоһук.

Күрэххэ сыаналанар:

– Оҥоһук ураты идеята;

– Туттуллар туһата.

Дүүллүүр сүбэ:

Дьүүллүүр сүбэ экологтартан, экспертэртэн уонна эрэдээксийэ кэлэктиибиттэн талыллан үлэлиир. Хаартыска 5-бааллынан сыаналанар. Мөккүөрдээх түгэннэргэ дьүүллүүр сүбэ бэрэссэдээтэлин куолаһа быһаарар оруоллаах.

Күрэххэ кыттыыны туоһулуур көҥүллүк суруллар сайаапканы, бэйэҕитин, оҥоһуккутун билиһиннэрэр тиэкиһи уонна хаартыскалары konkurskiinkuorat@mail.ru электроннай почтаҕа ыытаҕыт. 

Күрэх ыытыллар кэмигэр хаартыскалар “Киин куорат” хаһыакка бэчээттэнэллэр.  Күрэх түмүгэ аан дойдутааҕы СИР күнүн көрсө “Киин куорат” хаһыакка тахсар.

Билсиҥ, күрэхпит бастакы кыттааччыта Аэлина Тюкянова, 9 саастаах:

 – “Дорооболоруҥ, “Киин куорат” хаһыат ааҕааччылара! Мин Аэлина Тюкянова диэммин, 9 саастаахпын. Намнааҕы 2-ис нүөмэрдээх оскуолаҕа 3Б кылааска үөрэнэбин, кылааһым салайааччыта Василина Валерьевна Канаева. Айылҕаҕа бөх аҕыйах буоллун диэн айпсайклинг диэнинэн дьарыктанар буолбутум. Ол аата оҥоһуктарбын туттуллан баран бөххө быраҕыллан хаалар, онтон сүүһүнэн сыллар тухары сири киртитэ сытар пластиковай иһиттэн оҥоробун. Ньуоскалары, биилкэлэри, тэриэлкэлэри туттабын.

Бастаан уһуйааҥҥа сылдьан “Кыталык Куо” күрэххэ кыттаары оҥоһук көрүүтүн түһүмэҕэр төрөппүттэрбин кытта уһуйааным символын – кыталыгы оҥорбуппут. Кыталыкпытын бүтүннүү пластик ньуоскаттан уонна биилкэттэн таҥан таһаарбыппыт. Онно “Талаана Куо” номинацияҕа тиксибитим. Кылааспытыгар веер күрэҕэ тэриллибитэ – онно мин пластик биилкэлэринэн кэрэ көстүүлээх веер оҥорбутум. Былырыын ыһыахха сэлээппэлэр күрэхтэригэр эмиэ айпсайклинг ньыматынан оҥорон дьон сэҥээриитин ылбытым. Онтон кынаттанан чинчийэр үлэҕэ киирсэн эрэбин.

2018 сылтан “Айпсайклинг – наадата суох малы иккис тыыннааһын” тиэмэбинэн улуус, өрөспүүбүлүкэ таһымыгар конфренцияларга көхтөөхтүк кыттабын, элбэх ситиһиилээхпин.

Ааспыт сэтинньи ыйга Сочи куоракка ыытыллыбыт норуоттар икки ардыларынааҕы “Наукаҕа старт” научнай-практическай конференцияҕа “Оҕо харысхалын” оҥорон көмүскээтим.

Мин айылҕабыт ыраас, чэгиэн буолуон баҕарабын. Дойдубут ыраас буолара хас биирдиибититтэн  тутулуктаах!”.

Хаартыскаларга: Аэлина Тюкянова үлэлэрэ.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...