Тоҕо икки эрэ илиилээҕий? (притча)

– Оҕолоор, ким ийэтэ ордук элбэҕи үлэлиирий? – диэн ыйыппыт учуутал.
Үөрэнээччилэр ийэлэрэ тугу гыналларын биир-биир кэпсээн барбыттар. Хас биирдии оҕо кини ийэтэ эрэ элбэҕи үлэлиирин дакаастыы сатаабыт.
Кэмниэ кэнэҕэс учуутал эппит:
– Оҕолор, ийэлэргит сүүс илиилээх курдук төһөлөөх элбэҕи оҥоро, бүтэрэ-оһоро сылдьалларын көрдүгүт? 
Биир үөрэнээччи илиитин ууммут уонна ыйыппыт:
– Эн биһиэхэ эволюция туһунан кэпсээбитиҥ, ол баар буоллаҕына, ийэ тоҕо икки эрэ илиилээҕий?
– Тоҕо диэтэххэ кини илиилэрин ийэ тапталын күүһэ хамсатар. Онтон ордук модун күүстээх бу сир үрдүгэр суох, – диэн хоруйдаабыт учуутал.