11.07.2019 | 10:42

ТИЭРГЭН ТУТУУЛАРА (хаартысканан кэтэхтэн күрэх)

ТИЭРГЭН ТУТУУЛАРА                                  (хаартысканан кэтэхтэн күрэх)
Ааптар: Киин Куорат
Бөлөххө киир

                                         Күрэх балаһыанньата:

“Тиэргэн тутуулара” күрэххэ хаартыскалары тутуу бэс ыйын 20 күнүттэн балаҕан ыйын 26 күнүгэр диэри ыытыллар.

Күрэххэ кыттыыны туоһулуур көҥүллүк суруллар сайаапканы, бэйэҕитин билиһиннэрэр тиэкиһи уонна хаартыскалары электроннай почтаҕа: kiin-sardana@mail.ru  уонна 89142622845 бассаап нүөмэригэр ыытаҕыт. 

Күрэххэ көрүллэр тутуу көрүҥнэрэ:

“Тиэргэн тутуулара” диэҥҥэ киирсэр:

- Оҕо оонньуур балаһаакката, дьиэтэ;

- Тэлгэһэҕэ оҥоһуллубут сынньалаҥ сирэ (беседка о.д.а.);

- Тэлгэһэни киэргэтэр ураты тутуулар.

Үс сыл иһинэн тутуллубут ураты тутуулар сыаналаныахтара. Хаартыска бэйэ түһэриитэ буолуохтаах.

Дьүүллүүр сүбэ:

Дьүүллүүр сүбэҕэ П.А. Ойуунускай аатынан СӨ Судаарыстыбаннай бириэмийэтин лауреата, РФ, СӨ архитектордарын сойууһун чилиэнэ, РФ култууратын үтүөлээх үлэһитэ, СӨ норуотун маастара Эрнст Александрович Алексеев уонна “Уран” дизайн-студия ХЭТ генеральнай дириэктэрэ, РФ худуоһунньуктарын сойууһун чилиэнэ Вячеслав Васильевич Яроев бааллар.

Кыайыылаахтарга анал уонна биһирэбил бириистэр туттарыллыахтара.

1.Уус Алдан улууһа, Мүрү нэһилиэгэ, Мындааба дэриэбинэтэ. Марфа, Владимир Оконешниковтар дьиэ кэргэттэрэ.

Бэс маһынан тутуллубут сайыҥҥы сынньанар аһаҕас балаһаакка (2017 сыллааҕы тутуу). Ыыппыт хаартыскаларыттан көрдөххө, тиэргэн иһигэр тутуулара элбэҕэ сөхтөрдө. Үксэ мас оҥоһук. Онтон бу сынньанар сирин талан киллэрдибит. Ыал аҕа баһылыга бэйэтэ тутар эбит.

Алаһа дьиэ хаһаайката Марфа Оконешникова:

- Саха ыала алаас ортотугар олорор диэн санааттан, тэлгэһэбит ортотугар сахалыы моһуоннаах сынньанар, аһаҕас балаһаакка туттубуппут. “Саха ыалын олбуора үс үүт күрүөлээх” буолар диэн хас биирдии баҕана илиинэн хаһыллан сиэрдийэтэ киирэн турар. Аҕа баһылык ыраах айантан кэлэн атын баайар сэргэлээх, ортотугар оллоонноох. Күн уотуттан, ардахтан, тыалтан хаххалыыр балаҕан оҥорбуппут. “Уруу ырааҕа, уу чугаһа ордук” диэн өбүгэбит өс хоһоонунан балаһаакка тас өттүгэр көлүччэ курдук оҥорон лобелия сибэккини олордубуппут. Аҕабыт хас биирдии оҥоһугун санаатын ууран, былааннаан, өҥүн дьүөрэлээн тутар.                                                                                                                                      

2. Сунтаар улууһа, Дьаархан бөһүөлэгэ. Дьиэ кэргэн баһылыга Аркадий Алексеевич Спиридонов.

- Оҕо оонньуур балаһааккатын дьиэ хаһаайына сиэнигэр анаан туппут (2018 сыллааҕы тутуу). Матырыйаала: истиэнэтэ ДВП, муостата 10 см халыҥнаах фанера. Балаһаакка бэс мастан оҥоһуллубут. Сарайа профлист.

3. Сунтаар улууһа, Күндээдэ нэһилиэгэ. Николаевтар дьиэ кэргэттэрэ, 5 оҕолоохтор, 2 сиэннээхтэр. Ыал аҕа баһылыга Андриан Петрович чааһынай предприниматель, Сардана Николаевна иитээччи.

Аҕа баһылык “маһы эрэ ыллаппат” уус буоларын оҥоһуктарын көрөн сөҕөҕүн. Манна туох суоҕуй диэх курдук... Мастан уонна тыраахтар тимирдэриттэн чочуллан оҥоһуллубут сибэкки иһиттэрэ, мас лэкэтиттэн оҥоһуллубут тротуар, маска ыттыбыт араас кыыллар, тэлиэскэ, үүнээйини хаххалыыр мас күрүө, сынньанар ыскамыайкалар тиэргэн иһин олус тупсараллар. Киһи кута-сүрэ тохтуур тиэргэнэ.

Дьиэ хаһаайката С. Николаева:

- 2018 сыл сайыныгар аҕабыт Андриан Петрович беседкабытын туппута. Сыл аайы тиэргэммит тутуутун элбэтэбит. Прудун сыл аайы саҥардан, үүнээйитин уларытан иһэбит. Маска хатаастан турар үөнү былырыын кыыһынаан тыаттан булан аҕалбыттара. Инники былааммыт элбэх, саҥа идея киирэ турар. Аҕабыт беседкаҕа сахалыы оһуору бэйэтэ сыбааркалаан оҥорбута. Саас-сайын шашлыктыыр уонна күөс өрүнэр муннуктаахпыт.      

4. Хаҥалас улууһа, Покровскай куорат, Федоровтар дьиэ кэргэттэрэ.   

- 2018 сыл от ыйыгар тутуллубут оҕо оонньуур балаһаакката. Матырыйаала: мас уонна панель, сыыра пластик, сарайа профлист.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...