Тиэргэн өрөмүөнэ быйыл ханнык аадырыстарга ыытылларый?

«ВКонтакте» социальнай ситим нөҥүө быһа эпииригэр быһалык Евгений Григорьев быйыл сайын ханнык аадырыстарга тиэргэн өрөмүөнэ ыытыллаары турарын уонна эһиилги былааҥҥа киирэргэ бүгүҥҥүттэн сайаапка түһэрэр наадатын иһитиннэрдэ. 
«Былырыын түмүктэммит Үс сыллаах тупсарыы сылларынан куорат үрдүнэн 128 тиэргэҥҥэ өрөмүөн ыытылынна. Дойду баһылыга Владимир Путин сорудаҕынан, Дьокуускай куорат маастар-былаанынан, бу үлэ салҕанар»,– диэтэ Евгений Григорьев.

Быйыл сайын уопсайа 19 тиэргэн өрөмүөннэнээри турар:
– Чернышевскай уул., 22/1, 22/2;
– Аржаков уул., 16;
– Кулаковскай, 4/3;
– Кузьмин, 10, 14;
– Можайскай, 17/8, 17/4;
– Дзержинскэй, 45/1, 45/2;
– Киров, 7/3, 7/4;
– Ленин, 11, 38;
– Бестужев-Марлинскай, 22;
– Кальвица, 7/1, 9/11.

Оттон эһиилги өрөмүөн былааныгар киириэн баҕалаахтары баһылык олохтоохтор уопсай мугньахтарын тэрийэн, управалар нөҥүө сайаапката түһэргэ ыҥырда, диэн иһитиннэрэр Олохтоох дьаһалта пресс-сулууспата.