Татарстаҥҥа кутурҕан күнэ биллэрилиннэ

Ыам ыйын 11 күнүгэр Татарстан өрөспүүбүлүкэтин Казань куоратыгар Файзи уулуссаҕа турар 175-с №-дээх оскуолатыгар 19 уонна 17 саастаах уолаттар ытыалаһыыны тэрийдилэр. Ол түмүгэр 13 киһи өллө — оҕолор, учуутал, оскуола харабыла. Итиэннэ  21 киһи эмсэҕэлээн балыыһаҕа киирдэ. 
Хара санаалаах дьонтон биирдэстэрэ – 19 саастаах Ильназ Галявиев террорист буолара билиннэ. Холуобунай дьыала көбүтүлүннэ, контртеррористическэй эпэрээссийэ эрэсиимэ биллэрилиннэ.
Сорох дааннайга сурулларынан, Ильназ Галявиев бу гимназияҕа үөрэнэригэр кылааһын оҕолорун кытта куһаҕан сыһыаннаах эбит, ол иһин кини оскуолатын уларытарга күһэллибит. 
Ыам ыйын 12 күнэ Татарстаҥҥа кутурҕан күнүнэн биллэрилиннэ.