«Таптыаҕыҥ ийэни» дьүһүйүүбүтүгэр, кэпсээммитигэр

Олунньу 2-19 күннэригэр Таатта улууһун уонна Дьокуускай куорат сахалыы тыллаах оскуолаларын икки ардыларыгар «Күндүттэн күндүнү, кэрэттэн кэрэни – таптыаҕыҥ ийэни….» диэн ийэҕэ аналлаах дьүһүйүү, кэпсээн айыы күрэҕэ ыытыллар.

Үөрэнээччилэр айар, суруйар талааннарын, дьоҕурдарын сайыннарар сыаллаах тэрээһин САССР тэриллибитэ 100 сылыгар, СӨ үөрэхтээһинин эйгэтигэр Ааҕыы сылыгар, СӨ Ийэ сылыгар ананар. Күрэҕи Дьокуускай куорат 17-с нүөмэрдээх орто оскуолата тэрийэр.

Манна Дьокуускай куорат сахалыы тыллаах оскуолаларын уонна Таатта улууһун 5-11 кылааһын үөрэнээччилэрэ кытталлар. Тылы-өһү таба туһаныы, сааһылааһын, тиэкис ис хоһоонун дириҥэ, бэриллибит тиэмэни арыйыы сыаналанар.

Тэрийээччи бэлиэтээбитинэн, дьүһүйүүгэ уонна кэпсээн айыыга тус-туспа түмүк тахсар. Үлэлэри олунньу 19 күнүгэр диэри  sivseva64@mail.ru, olontoi@mail.ru электроннай аадырыстарга туталлар. Кыайыылаахтарга анал дипломнар (электроннай), хас биирдии кыттааччыга туоһу сурук ыытыллар. Билсэр төл.: 8-967-910-50-69.