«Таланты Якутии» күрэх сүүмэрдиир түһүмэҕэ сэтинньи 4 күнүгэр диэри ыытыллар

«Таланты Якутии» өрөспүүбүлүкэтээҕи кадр күрэҕин бастакы сүүмэрдиир түһүмэҕэ алтынньы 29 күнүттэн сэтинньи 4 күнүгэр диэри ыытыллар. Бу туһунан регионнааҕы ыччат Министиэристибэтин пресс-сулууспата иһитиннэрдэ. 
«Сүүмэрдиир түһүмэх кыттааччыларын тоҕус диагностическэй тест күүтэр, ону аастахтарына салгыы сайдарга сүбэ-соргу ылыахтара», — диэн этиллэр иһитиннэриигэ. 
Сорудахтары сэтинньи 4 күнүгэр, олохтоох бириэмэнэн 23.59 чааска диэри оҥоһуллуохтаах. Бастакы дистанционнай сүүмэрдээһин түмүктэрэ сэтинньи 11 күнүгэр биллиэхтэрэ. 
Күрэх барыта түөрт түһүмэхтээх. Хас биирдиитигэр кыттааччылар саҥа билиилэри, үөрүйэхтэри уонна үлэҕэ сыһыаннаах специалистар консультацияларын ылаллар.   
Түөрт түһүмэх түмүктэринэн «Таланты Якутии» бырайыак 300 финалистара «LAB.TALENT» сайдыы бырагырааматынан үөрэҕи барыахтара. 
Кыайыылаах уон киһи дойду уонна аан дойду бастыҥ үөрэҕирии тэрилтэлэригэр үөрэнэр уонна Саха сирин ыччатын кадровай уонна салайар кадрдарын резервэтигэр киирэр кыахтаныахтара.