20.01.2023 | 21:36

Табаҕалар бааһынаттан саҕалаан баанньыкка тиийэ ыйыталастылар

Тохсунньу 20 күнүгэр киэһэ 19.00 чаастан "Кедр" Култуура киинигэр куорат баһылыга Евгений Григорьев Табаҕа нэһилиэгин олохтоохторун иннигэр 2022 сыллааҕы үлэтин отчуоттаата.
Табаҕалар бааһынаттан саҕалаан баанньыкка тиийэ ыйыталастылар
Ааптар: Киин Куорат
Бөлөххө киир

2022 сылга Табаҕаҕа уопсастыбаннай туоналары тупсарыы үлэтэ ыытыллыбыт. Билии уонна Искусство сквердэрэ тупсарыллыбыттар, хачыаллар, каруселлар туруоруллубуттар, оҕо оонньуур балаһаакката тутуллубут.

Хаарбах дьиэттэн көһөрүү аадырыстаах бырагырааматынан 6 кыбартыыра көһөрүллэн, 17 киһи саҥа дьиэлэммит, эһиил, 2023 сылга, 23 кыбартыыра олохтоохторо 55 киһини маннык үөрүү күүтэр.

«Сырдык столица» муниципальнай бырагырааманан Каландрашвили уонна Лесная уулуссаларга уот холбоммут, уопсайа 63 лаампа туруоруллубут, Лесная уулуссаны сырдатыы эһиил салҕанар.  

«Школьная» сылаас оптуобус баар буолбут. Оҕо искуссвотын дьиэтигэр «Үөрэҕирии” национальнай бырайыагынан хапытаалынай өрөмүөн ыытыллыбыт. 2023 сылга бу бырайыагынан уопсай үөрэхтээһин оскуолатыгар хапытаалынай өрөмүөн буолаары турар. 

2023 сылга нэһилиэккэ уулусса өрөмүөнүгэр уонна тутуутугар улахан болҕомто ыытыллаары турар. Ол курдук, Комсомольскай (0,620 км),  Строительнай (0,8 км), Центральнай (2,7 км) уулуссалары хапытаалынай өрөмүөн күүтэр. Лесная, 8 уулуссаҕа маны сэргэ спорт балаһаакката тутуллара былааннанар.

Табаҕа олохтоохторо куорат баһылыгыттан сойуус саҕанааҕы бааһына сирдэрин туһаҕа таһаарыыны, саҥа тутуллубут ФАП дьиэтин тас көстүүтүн буортулуур быраҕыллыбыт тутууну көтүрүүнү, баанньык үлэтин сөргүтүүнү, эбии сылаас тохтобуллары тутар кыалларын-суоҕун интэриэһиргээтилэр, уу тиэйэр, септик хачайдыыр массыыналары көрдөөтүлэр, сайыҥҥы уу проводын тарыыбын чуолкайдыыры о.д.а. көрдөстүлэр, ыйыталыстылар.

Элбэх ыйытыы оптуобус сырыытыгар сыһыаннаах буолла. Ол иһигэр кыһыҥҥы тымныыга төлөбүрү тоҕо тахсыыга буолбакка, киириигэ ылалларын, дьон бары киириэр диэри оптуобус даҕаны тымныйарын, таһырдьа кэтэһэн турааччылар даҕаны тоҥоллорун ыйан туран, бу боппуруоһу быһаарарга этии киллэрдилэр.

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)