24.05.2021 | 18:45

Табаҕа тумуһугар «Хотугу сулус» оҕо киинэ тутуллар

2022 сылга Өлүөнэ эбэ кытылыгар, Табаҕа тумуһун оройуонугар, «Хотугу сулус» оҕо чэбдигирэр киинэ тутуллан бүтүөҕэ.
Табаҕа тумуһугар «Хотугу сулус» оҕо киинэ тутуллар
Ааптар: Киин Куорат
Бөлөххө киир

Бу төгүрүк сыл үлэлиэхтээх бөдөҥ уонна сонун эбийиэк Дьокуускай куораттан 33 км тэйиччи сиргэ баар буолуоҕа диэн СӨ Баһылыгын уонна Бырабыыталыстыбатын пресс-сулууспата иһитиннэрэр.

СӨ Ил Дархана Айсен Николаев тутуу балаһааккатыгар бара сырытта, үлэ хаамыытын билистэ.

«Табаҕа тумуһугар эбии үөрэхтээһин эйгэтигэр биир интэриэһинэй бырайыак олоххо киирэн эрэр. Манна судаарыстыбаннай-чааһынай партнерство бириинсибинэн,  «Открытие» баан үбүлээһининэн аныгы Оҕо киинэ тутуллуоҕа. Сыл аайы «Хотугу сулуска» өрөспүүбүлүкэ араас муннуктарыттан тыһыынчанан оҕо кэлэн, дойду үрдүнэн саамай аныгы методикалаах эбии үөрэҕи ааһыаҕа», – диэтэ Айсен Николаев. 

12 300 кв. миэтэрэ иэннээх тутуу 350 оҕо олорор 4 куорпустаах, спортивнай, медицинскэй уонна үөрэнэр блоктаах буолуоҕа. Оҕо киинигэр идэҕэ сирдиир кластердар, видеоустуудьуйа, робототехника, 3D моделирование кабинеттара, ырыа саалата уонна киинэ театрдаах улахан аактабай саала үлэлиэҕэ.

Инникитин «Хотугу сулус» баазатыгар оҕо сынньалаҥын Уһук Илиннээҕи оператора тэриллэрэ былааннанар.  

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...
Дьахтар киэли хапчаҕайын искэниттэн өлүө суохтаах
Сонуннар | 07.06.2024 | 10:00
Дьахтар киэли хапчаҕайын искэниттэн өлүө суохтаах
Искэн төрүүр-ууһуур саастаах эдэр дьахталлары булара аан дойду онкогинеколог быраастарын ордук дьиксиннэрэр. Саха сиригэр дьахтар аймах ортотугар киэли хапчаҕайын араага (рак шейки матки) эмиий искэнин кэнниттэн иккис миэстэҕэ турар уонна онкология ыарыытыттан өлүү биир сүрүн төрүөтүнэн буолар. Хомойуох иһин, дьахтар аймах 83%-на балыыһаҕа хомнуо-хойут, ыарыы хайыы үйэ ытарчалыы ылбытын кэннэ...
Үөрэнээччилэр спартакиадалара
Спорт | 07.06.2024 | 12:00
Үөрэнээччилэр спартакиадалара
Өрөспүүбүлүкэ үөрэнээччилэрин спартакиадата бэс ыйын 6-10 күннэригэр спорт 29 көрүҥэр 35 улуустан 1700 оҕо кыттыылаах буолуоҕа.  Бу туһунан билиһиннэрэр пресс-конференцияны Саха Өрөспүүбүлүкэтин үөрэххэ уонна наукаҕа миниистирин солбуйааччы Альбина Аргунова, “Спортивные якутяне” Киин дириэктэрин солбуйааччы Александр Брызгалов уонна Спартакиада сүрүн судьуйата Юрий Балаганскай иһитиннэрдилэр. Спартакиада кыайыылаахтарыгар туттарыллыахтаах Кубоктар, мэтээллэр, спортсменнар экипировкалара...