20.09.2021 | 11:00

Тааттаҕа дьэдьэн

Тааттаҕа дьэдьэн
Ааптар: Анна Козлова, Арассыыйа суруналыыстарын Сойууһун чилиэнэ

     Балаҕан ыйын сайыҥҥылыы сылаас күннэригэр, ырыаҕа ылламмыт, хоһооҥҥо хоһуйуллубут, талыы талба хонуулардаах, үлэһит үтүөтэ дьоннордоох ытык Таатта буруоттан босхолонон, сибиэһэй, ыраас салгынынан тыына олорор кэмигэр, Чымынаайыга дьоммутугар күүлэйдии, отоннуу көтүтэн тиийдибит.
     Аламай күн алгыһынан аргыстанан, бүтүн улууһу аһатан олорор бааһынай хаһаайыстыбалаах Роза, Константин Прокопьевтарга ыалдьыттаатыбыт. Отут суотай иэннээх Амма өрүс үрдүгэр олохсуйан олорор учаастактарыгар үс эрээтинэн лаглаччы үүммүт дьэдьэннээх теплицаҕа киирэн сөхтүм, үөрдүм, көрбөтөхпүн көрөн соһуйдум, олус кыраһыабай, сүрэх үөрэр кэрэ көстүүтүттэн дөйөн турдум. Роза Гаврильевна кэпсииринэн, дьэдьэн олордуутун кыралаан 1995 сыллардаахтан саҕалаабыт. Орто оскуолаҕа биологияҕа үөрэппит учуутала Васильева Анна Романовна Дьокуускайтан дьэдьэн сиэмэтин таһааран, боруобалаан үүннэр диэн бэлэхтээбит. Онтон ыла кыраттан саҕалаан рассадалаан, ньээҥкэлэһэн барбыт. Билигин хас сарсыарда аайы эрдэ туран, сыыс оттору, бытыктарын үргээн, саһарбыт сэбирдэхтэри хомуйан, буорту буолан эрэллэри ылҕаан, күннээҕи үлэлэрин саҕалыыллар. Буоруттан улахан тутулуктааҕын аҕыннылар. Кыстыкка киириигэ салапаан тэлгээн, отунан үллүйэн кэбиһэллэр эбит. Намҥа дьэдьэн үүннэриитинэн дьарыгырар Кривошапкин Сергей Георгиевичка тиийэн сүбэ - ама ылбыттар. Онон бөһүөлэк ыаллара соҕуруу дойду олохтоохторуттан итэҕэһэ суох минньигэс клубника суордунан аһыы олороллор.
     Инникигэ дьулуурдаах, эрэл - тирэх санаалаах, үлэни өрө туппут Прокопьевтар аймах хаппыыста, хортуоппуй олордон бүтүн улууһу аһатан олороллор, куоракка тиийэ атыылаһан бараллар. Былыргы хортуоппуй үүннэрэр, оҕуруот аһын арааһын ыһар кэриэй барахсан Цой Ден Су саҕалаабыт киэҥ - нэлэмэн түөлбэтэ "Чараҥ" иччитэхсийбэккэ күөҕүнэн долгулдьуйан олороруттан киһи дуоһуйар. Дьоммут тойон ыҥырыаны иитэн, мүөт оҥоһуутунан дьарыктанан эрэллэрэ хайҕаллаах суол. Мүөт биллэрин курдук доруобуйаҕа олус туһалаах. Бу таба оҥоһуллубут, саахара аҕыйах мүөтү уура сылдьан ыарыйдахха, чэйгэ кутан иһэргэ олус иҥэмтэлээх, туһалаах буолар.
       Кыыстара Федора Константиновна баһылыктаах дьиэ кэргэнинэн бааһынай хаһаайыстыба тэринэн үлэлии - хамсыы, үөрүүнү үксэтэ олорор, олоххо тулуурдаах, дьулуурдаах, төрөппүттэриттэн саҕалаан удьуор үлэһит дьон оҕолоро, Прокопьевтарга барҕа махталы кытта баҕарыам этэ, өссө үрдүк өлгөм үүнүүнү.

Сонуннар

Ордук ааҕаллар

Саха АССР 100 сылыгар – 100 оптуобус
Сонуннар | 11.10.2021 | 16:30
Саха АССР 100 сылыгар – 100 оптуобус
Саха АССР төрүттэммитэ 100 сылын көрсө өрөспүүбүлүкэ Дьокуускай куоракка уонна  оройуоннарга уопсастыбаннай тырааныспары саҥардара былааннанар. Бырайыак оробуочай аата – «Саха АССР 100 сылын көрсө 100 оптуобус».  «Кэлэр нэдиэлэҕэ тырааныспар Министиэристибэтин уонна Дьокуускай куорат Уокуруктааҕы дьаһалтатын бииргэ үлэлээһиннэрин түмүгэ тахсан, өрөспүүбүлүкэ газомоторнай оттукка сылдьар оптуобустары аҕалар туһунан сөбүлэҥҥэ илии баттыаҕа», –...
Соһуччу булт
Сынньалаңңа | 11.10.2021 | 16:00
Соһуччу булт
Оҕо сылдьан сарсыарда уһуктаат, таһырдьа ойон тахсар дьикти идэлээх этим. Хайдах халлаан буолбутун билэ охсоору дуу, күнү көрө охсоору дуу буолуо, арааһа. Оннук биир күннээх сайыҥҥы сарсыарда эрдэ туран сыһыыга киирэн, күрүө үрдүгэр хатаастан, куолубунан сыһыы уҥуорун, халлааҥҥа дьирибинии турар күөрэгэйи, сыһыыга мэччийэр ынахтары-сылгылары көрө-истэ олордум. Арай ынахтар ортолоругар дьиибэ...
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Сонуннар | 13.10.2021 | 10:00
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Алтынньы 4 күнүттэн Саха сирин территориятыгар Бүтүн Арассыыйатааҕы нэһилиэнньэ биэрэпиһин контролердарын үөрэтии ыытыллар. Муниципальнай оройуоннар контролердарыгар үөрэтии онлайн эрэсииминэн, «Дьокуускай куорат» уонна «Жатай» куораттааҕы уокуруктарыгар – очнай көрүҥүнэн диэн иһитиннэрэр СӨ Федеральнай судаарыстыбаннай статистика сулууспатын Территориальнай уоргана.  Нэдиэлэ саҥатыттан контролердар Дьокуускай куорат таһынааҕы нэһилиэнньэлээх пууннарга, куорат уокуруктарыгар уонна  «Жатай» куораттааҕы...
Хаппыыстаны араастаан астыахха
Тускар туһан | 11.10.2021 | 13:00
Хаппыыстаны араастаан астыахха
Беконнаах хаппыыста Састааба: 1 орто хаппыыста; 3 ост. нь. мас арыыта (эбэтэр оливковай арыы); туус; хара биэрэс; бекон. Хаппыыста тас сэбирдэхтэрин ылабыт, сууйабыт. Түөрт аҥыы хайытан бысталыыбыт. Кытаанах төрдүн быһан ылан быраҕабыт. Хас биирдии чааһын аҥаардыыбыт уонна духуопка илииһигэр сааһылаан уурабыт. Үрдүгэр арыыны таммалатабыт, туустуубут-тумалыыбыт. Бекон ломтиктарын аҥаардыыбыт уонна хаппыыстабыт...