03.02.2023 | 10:00

Таҥара сэрэҕи сөбүлүүр!

Массыанньыктар күнтэн күн элбээн, дьону албынныыр ньымалара үксээн иһэр. ИДьМ күннэтэ кэриэтэ сэрэхтээх буоларга ыҥырар, түөкүттэр албастарыгар киирэн биэрбит дьон кэпсээнин тарҕатар.
Таҥара сэрэҕи сөбүлүүр!
Ааптар: Розалия Томская
Бөлөххө киир

Массыанньыктар ньымалара:

– Төлөпүөнүнэн: "Аймаҕыҥ (оҕоҥ, быраатыҥ, ийэҥ о.д.а.) иэдээҥҥэ түбэстэ" ,– диэн эрийэллэр, ыксаталлар, ыгылыталлар. Бу – кинилэр психологическай албастара.

Баан, полиция (прокуратура, ФСБ о.д.а.) үлэһитэбин диэн сымыйалыыллар.

 

Биири өйдүөхтээхпит: Куттала суох счеттар (страховой счеттар) диэн суохтар. “Эн харчыгын суһаллык страховой счекка көһөрүөххүн наада”, диэхтэрэ.

Билбэт нүөмэргит WhatsApp нөҥүө эрийдэҕинэ, ылымаҥ – билигин дьон үксэ билбэт нүөмэрдэрин ылбат буолбуттарыгар массыанньыктар бассаабынан эрийэллэрэ үксээбит.

 

– Интернет саайтартан атыылаһарга сэрэхтээх буолуҥ, билбэт атыыһыккыт ыытар сигэлэринэн кииримэҥ.

Массыанньык сигэлэри ыытар, пааспар дааннайдарын көрдүүр, карта нүөмэрин ирдиир, смс-кодтары ыыт диир.

Социальнай ситимнэргэ билэр дьоҥҥут аккауннарын алдьаталлар. Кини аатыттан “көмө” харчы көрдүүллэр.

– Фишинг. Албын саайтар нөҥүө сиэртибэттэн пин-код, пароль, CVС-код (баан картатын кэннигэр баар үс сыыппара) көрдүүллэр.

– Инвестициялар. Харчы уган, үбү түргэн кэмҥэ үксэтэргэ ыҥыраллар.

***

Сэрэниҥ! Телеграммҥа баар криптовалюта эксперэбин диир Zakharova Dayaana (Захарова Дайана) массыанньык буоларын туһунан ИДьМ иһитиннэрэр. Сахалыы суруйсан, дьону инвестицияҕа харчы угарга, үптэрин элбэтэргэ ыҥырар.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.