Үтүө түмүктээх кэпсэтии таҕыста

Бүгүн, олунньу 16 күнүгэр, Өрөспүүбүлүкэтээҕи инбэлииттэр уопсастыбаларын бэрэссэдээтэлэ Ирина Лебедева, солбуйааччы Маргарита Лазарева Мэҥэ Хаҥалас улууһун дьаһалтатын дьиэтигэр өрөспүүбүлүкэҕэ бастаан ыытыллар инклюзивнай бальнай үҥкүү куонкуруһун тула улуус баһылыгын солбуйааччы Потапов С.С., баһылыгы социальнай боппуруостарга солбуйааччы Свинобоев М.А., Майа нэһилиэгин баһылыгын солбуйааччы Толстяков Г.Н., улуустааҕы социальнай харысхал начаалынньыга Шестаков И.И., Мэҥэ Хаҥалас улууһун инбэлииттэрин уопсастыбатын бэрэссэдээтэлэ Пермякова Т.Н. кытта көрсөн куонкурус ыытыллар балаһыанньатын бигэргэттилэр, кэккэ боппуруостары ырытыстылар.
Бу тэрээһин Майа нэһилиэгэр кулун тутар 28 күнүгэр Ходулов аатынан култуура Киинигэр ыытыллар буолла.