ҮТҮӨ САНААЛАНЫЫ СҮҮРҮҮТЭ
![ҮТҮӨ САНААЛАНЫЫ СҮҮРҮҮТЭ](https://kiinkuorat.ru/wp-content/uploads/2020/11/үtүө-sanaalanyy-sүүrүүte.jpg)
Бу сыл атырдьах ыйын 26 күнүттэн 2021 сыл ыам ыйын 21 күнүгэр диэри Россия үрдүнэн “ЧС (ыксаллах быһыы-майгы) иннигэр сүүрэбит” диэн үтүө санааланыы улахан сүүрүүтэ биллэриллэн бара турар.
Үтүө санааланыы ааксыйа кэмигэр дойду үрдүнэн бары регионнарга иһэр уонна туттар уу ырааһырдыллыахтара, сааскы халаан уутуттан эмсэҕэлиир дьон олорор сиригэр-уотугар ууну ыраастыыр фильтрдар туруоруллуохтара. Бу ааксыйаҕа кыттыахтарын, сүүрүөхтэрин баҕалаахтар анал электроннай бырагыраамаҕа регистрацияланыахтаахтар, хас килэмиэтири сүүрэри суруттарбыттар бэйэлэрин сөбүлүүр дистанцияларыгар – улахан дьон 5, 10, эбэтэр 21 км, оҕолор 500 м дистанцияларга сүүрэллэр.
Стартыылларыгар футболка, өйдөбүнньүк сувенир, үрүксээк, уо.д.а. туһалаах маллары ылаллар. Хас биирдии кыттааччы мониториҥҥа киирэр, 9 ый устата ким-төһөнү сүүрбүтэ учуоттанар, бэлиэтэнэр.
Үтүө санааланыы сүүрүүтэ онлайн-форматынан 9 ый устата салҕанан барыаҕа уонна эһиил 2021 сыл ыам ыйын 22 күнүгэр Москваҕа ВДНХ-ҕа бырааһынньыктыы түгэнинэн үөрүүлээхтик түмүктэниэҕэ. Кыайыылаахтарга бириистэр туттарыллыахтара, улахан кэнсиэр көрдөрүллүөҕэ.
Сонуннар
Ордук ааҕаллар
![Мария Мигалкина: «Кэлии сиэмэлэринэн үлүһүйүмэҥ»](/thumbnails/600/300/wp-content/uploads/2024/07/zgV1bKwtkp.jpg)
![Изабелла Попова: Сүрэхпэр сөҥөрбүт дьүөгэлэрим](/thumbnails/600/300/wp-content/uploads/2024/07/08bzwt1DHL.jpg)
![Баһаар буруйдааҕын тыллыаҥ — наҕараада ылыаҥ](/thumbnails/600/300/wp-content/uploads/2024/07/FtpkFiKGrd.jpg)
![Саха сиригэр мелиорация үлэтэ саҕаламмыта 75 сылын туолла](/thumbnails/600/300/wp-content/uploads/2024/07/6LP5o124wA.jpg)