15.01.2024 | 12:09

Түөрт саҥа спорт саалата үлэҕэ киирээри турар 

Түөрт саҥа спорт саалата үлэҕэ киирээри турар 
Ааптар: Киин Куорат
Бөлөххө киир

Аҕыйах хонугунан Дьокуускай куоракка үс, Алдаҥҥа биир, Саха сиригэр уопсайа түөрт саҥа спорт саалата үлэҕэ киирээри турар.
Ол курдук, киин куорат 10 уонна 20 №№-дээх орто оскуолаларыгар уонна Хатас нэһилиэгэр, ону таһынан Алдан куоракка саҥа спорт саалаларын үөрүүлээхтик арыйыы буолуоҕа. 
Дойду баһылыга Владимир Путин 2024 сылга нэһилиэнньэ 55% спордунан уонна физическэй култууранан тиһиктээхтик дьарыктанарын ситиһэр соругунан, саҥа спорт саалалара Уһук Илин субсидиятынан тутуллаллар. Спорт саалалара оскуола үөрэнээччилэрин таһынан нэһилиэнньэ бүттүүнэ сылдьар, дьарыктанар кииннэринэн буолуохтаахтар. 
Чуолаан, Хатаска үлэҕэ киирээри турар 400 миэстэлээх, 2,3 кв/м иэннээх икки этээстээх спорт саалата «Саха Өрөспүүбүлүкэтигэр физическэй култуураны уонна спорду сайыннарыы» судаарыстыбаннай уонна «2017-2032 сылларга Дьокуускай куорат социальнай инфраструктуратын тиһиктээхтик сайыннарыы» муниципальнай бырагыраамаларынан Ил Дархан Айсен Николаев «2032 сылга диэри Саха Өрөспүүбүлүкэтин киин куоратын — Дьокуускай куораты сайыннарыы туунан» ыйааҕынан тутулунна.
Комплекс 400 миэстэлээх элбэх функциялаах уонна икки дьоҕус саалалаах, таһырдьа эмиэ спордунан дьарыктанар миэстэлээх. Бэлиэтээн эттэххэ, VIII-с «Азия оҕолорун» спортсменнара манна дьарыктаныахтара.
2023 сылга уопсайа алта спорт эбийиэгин тутуу саҕаламмыта: Дьокуускайга бүрүөһүннээх каток, Бүлүү оройуонун Кыһыл Сыыр бөһүөлэгэр спорт саалата, Хатаска элбэх функциялаах спорт комплекса, Таатта улууһун Ытык Күөлүгэр элбэх функциялаах чэбдигирдэр-спортивнай комплекс уонна 1000 миэстэлээх стадион, Эдьигээн киинигэр Эдьигээн бөһүөлэгэр элбэх функциялаах спорт саалата.
Уопсайа кэлиҥҥи биэс сылга араас хайысхалаах судаарыстыбаннай бырагыраамаларын, ол иһигэр «Демография» нацбырайыагынан Дьокуускайга 32 спорт бөдөҥ эбийиэгэ арылынна. Ону кытта физическэй култууранан уонна спордунан утумнаахтык дьарыктанар нэһилиэнньэ ахсаана 1,7 төгүл улаатан, 2023 сылга нэһилиэнньэ уопсай ахсаанын 55,2% тэҥнэстэ.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....