02.04.2021 | 09:46

Төрдүс чиэппэр кылгас, тэрээһинэ үгүс

Төрдүс чиэппэр кылгас, тэрээһинэ үгүс
Ааптар: Киин Куорат
Бөлөххө киир

Уйулҕа үлэһиттэрэ оҕо организма чөлүгэр түһэригэр үс күн сөп буолар дииллэр. Ол иһин оскуола үөрэнээччитэ аҕыйах хонукка уутун хана утуйан, оонньоон сынньаннаҕына, сааскы чэбдик салгыҥҥа хаҥкылаан, хайыһардаан киирдэҕинэ, сылайбыта түргэнник ааһар. Онон идэтийбит психологтар мунньуммут күүһү-уоҕу, эниэргийэни сөпкө туһаныҥ диэн сүбэлииллэр.

Бу күннэргэ киин куорат үөрэнээччилэрэ сааскы каникулларын туһалаахтык атаардылар. Төрдүс чиэппэр бэрт кылгас. Ыам ыйыгар өрүүр күммүт элбэх. Онон өрөбүллэргитин, сааскы күннэри сэргэхтик атаарыҥ диэн туран киин куоракка ыытыллар күрэхтэри таһаарабыт. Үөрэҕи өрө тутуҥ, үүнүҥ-сайдыҥ, бириэмэҕитин сатаан аттарыҥ.

«Яклоун» хаартысканан күрэх

Муус устар 1 күнэ – элбэх оонньуулаах уонна көрдөөх күн. Циркэни таптыыр, болҕомто киинигэр сылдьаргытын сөбүлүүр буоллаххына, бу күрэх эйиэхэ ананар.

«Циркэ доҕотторун көрсөр» бырайыагы олоххо киллэрии чэрчитинэн «Акварельки» оҕо цирковой устуудьуйата уонна Саха сиринээҕи Марфа уонна Сергей Расторгуевтар ааттарынан Бриллиантовай циркэ «Я – клоун» оҕолорго хаартысканан күрэҕи биллэрэллэр.

Күрэх усулуобуйата сүрдээх судургу: үөрбүт эбэтэр мунчаарбыт  клоун уобараһын үтүктэн хаартыскаҕа түһэҕит. Уонна бэйэҕит Instagram сирэйгитигэр #веселыйклоундпц диэн хештэгтээн угаҕыт. Бэлиэтээн эттэххэ,  аккауҥҥут хайаан да аһаҕас буолуохтаах.

Ыытыллар болдьоҕо: кулун тутар 27 күнүттэн муус устар 4 күнүгэр диэри. Түмүк муус устар 4 күнүгэр Обургу оҕо киинин страницатыгар @dpcykt биллиэҕэ. Кыайыылаахтары дипломнар, сертификаттар күүтэллэр. Бастыҥ клоуҥҥа Саха судаарыстыбаннай циркэтин аатыттан диплом уонна өйдөбүнньүк бириис туттарыллыаҕа. Эһигиттэн сэргэх, курус хаартыскалары күүтэбит.

#задайвопросВячеславуШтырову күрэххэ кыттыҥ

Билигин Саха сиригэр өрөспүүбүлүкэ стратегическай докумуонун олоххо киллэриитигэр анаммыт «По следам Схемы-2020» диэн документальнай хабааннаах киинэ тула көхтөөх дьүүллэһии барар.

Эдэр ыччат үөрэхтэрин бүтэрэннэр, саҥа тэриллибит тэрилтэлэргэ үлэни булан-талан, дьиэ кэргэттэрин хааччыйар дьон буолуохтаахтар.

Күрэх усулуобуйата:

«По следам Схемы-2020» диэн документальнай киинэни Вячеслав Штыров ютуб ханаалыгар киирэн көрөҕүт.

Онно олоҕуран тустаах ыйытыы бэлэмниигит. Ол өрөспүүбүлүкэ сайдыытыгар, историятыгар уонна инники кэскилигэр сыһыаннаах буолуон сөп.

Ыйытыыгытын видеоҕа устаҕыт, zadai.vopros2021@mail.ru электроннай аадырыска ыытаҕыт.

Ол кэннэ СӨ судаарыстыбаннай сүбэһитэ Вячеслав Штыров бастыҥ ыйытыыларга хоруйдуоҕа.

«Тыаны харыстааҥ» экологическай уруһуй күрэҕэ

Кулун тутар 29 күнүттэн муус устар 15 күнүгэр диэри Техническэй айымньы киинэ Экологическай билии күнүгэр аналлаах «Тыаны харыстааҥ» диэн куораттааҕы дистанционнай уруһуй куонкуруһун тэрийэн ыытар.

Куонкуруска Дьокуускай куорат оскуолаларыгар уонна эбии үөрэхтээһин тэрилтэлэригэр дьарыктанар оҕолор (1-11 кылаас үөрэнээччилэрэ) ыҥырыллаллар.

Кыттааччылар бары электроннай сертификаттары туталлар, кыайыылаахтар дипломнарынан, биһирэбил грамоталарынан наҕараадаланаллар.

Сайаапкаларгытын муус устар 11 күнүгэр диэри  https://forms.gle/DANZxFTu5VNqejjk9 киирэн толороҕут.

Үлэҕитин муус устар 11 күнүгэр диэри  ctt_konkurs@mail.ru электроннай аадырыска ыытаҕыт.  «Ойууру харыстааҥ» диэн бэлиэтииргитин умнумаҥ.

Компьютернай спорка СӨ чемпионата

Муус устар 5-11 күннэригэр Дьокуускайга Компьютернай спорка СӨ чемпионата ыытыллыаҕа. Тэрийээччилэр – СӨ компьютернай спордун федерацията, Арассыыйа ФКСФ Саха сиринээҕи салаата уонна СӨ спордун министиэристибэтэ.

Күрэх генеральнай партнерунан MYTONА хампаанньа буолар.

Чемпионат чэрчитинэн маннык салааларга турнирдар ыытыллыахтара:

- Dota 2;

- Clash Royale;

- StarCraft 2;

- Tekken 7.

Уопсай бириис пуондата – 100 000 солкуобай!

Күрэххэ кыттыы сайаапкатын кулун тутар 23 күнүттэн муус устар 4 күнүгэр диэри https://discord.gg/tCdpezvj3V сыылканан киирэн ыытаҕыт. Кыттыыта босхо.

Космонавтика күрэҕэ

Техническэй айымньы киинэ дистанционнай хабааннаах, норуоттар икки ардыларынааҕы космонавтикаҕа сыһыаннаах «Звездная эстафета» бырайыакка кыттаргытыгар ыҥырар.

Куонкурус маннык хайысханан ыытыллар: техническэй, астрономия, история, суруналыыстыка, медико-биологическай, уус-уран тыл, фольклорнай уонна IT-технология.

Сайаапкалары муус устар 8 күнүгэр диэри  бу аадырыска ыытаҕыт: https://forms.gle/cdBLkQxca63ALipY6 

Үрдүкү кылаас үөрэнээччилэригэр

Арктикатааҕы судаарыстыбаннай агротехнологическай университет (АГАТУ)профориентационнай бырагырааматын сэргиэхтэрин сөп.  Бу үрдүкү кылаас үөрэнээччилэригэр бэйэлэрин интэриэстэрин, дьоҕурдарын уонна кыахтарын чинчийэллэригэр, итиэннэ инники идэлэрин  кытта быһаарсалларыгар көмөлөһөр.

Профориентационнай туризм бырагырааматыгар араас хабааннаах маастар-кылаастар, тургутуктар, олимпиадалар, трениннэр ыытыллаллар. Маны таһынан аныгы ырыынак идэлэрин кытта билсиһиннэрэллэр, 11 кылаас үөрэнээччилэригэр  биир кэлим эксээмэҥҥэ консультациялары ыыталлар.

Сиһилии http://agatu.ru/ сайтка киирэн билсиҥ.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....