Төрүөх саҕаланна

Хайа да чугас эргин сыллардааҕар, бу кэлбит 2021 оҕуспут сылын тохсунньута, өбүгэлэрбит этэллэринии"тиит мутуга туран эрэ тостор тымныытынан" дьону-сэргэни сөхтөрдө. Үлэлээх-хамнастаах тыа ыала барахсан онтон чаҕыйбакка син биир үлэлэрин үлэлээн, сүөһүлэрин көрүнэн, ойбоҥҥо хас да күөлү уҥуордаан уулатан, сарсыарда олох эрдэттэн түбүгүрэллэр. Биһиги тыа хаһаайыстыбатынан дьарыктанар нэһилиэк буоларбыт быһыытынан, ынах сүөһү ахсаана 456 сүөһү кыстаан турар. Онтон ыанар ынаҕа 156 төбө. Бу күннээҕи туругунан, тымныыны аахсыбакка, сүөһү төрөөһүнэ саҕаланан эрэр. Уопсайа 12 ынах төрөөтө. Дьэ, мантан ыла төрүөх маассабайдаан үүт-сүөгэй үрүйэлии устуо турдаҕа.

     Үөһээ Бүлүү улууһун, Маҥаас нэһилиэгиттэн Изабелла Тимофеева