Төрөөбүт күҥҥүнэн, Дьокуускай!
Киин куорат олохтоохторо тапталлаах куораттарыгар хомоҕой хоһоонунан эҕэрдэ бэлэмнээтилэр. Ол курдук, “Дьокуускай куорат” куораттааҕы уокурук “Библиотека тиһигин киинэ” муниципальнай бүддьүөт тэрилтэтин көҕүлээһининэн ыытыллыбыт “Мин куоратым саҥата” бырайыакка бастыҥ хоһоон ааҕааччылар кытыннылар: артыыстар, актыбыыстар, оскуола үөрэнээччилэрэ, поэттар, о.д.а.
Дьокуускай куорат баһылыга Сардана Авксентьева Василий Полятинскай “Дьоллоох куорат Дьокуускай” хоһоонун аахта.
Бырайыак киин куорат сүрүн экраннарыгар, Култуура уонна сынньалаҥ пааркатыгар, “Киин” киинэ театрын иннигэр көстүөҕэ, громкоговоритель нөҥүө куорат уулуссаларыгар иһиллиэҕэ.
Бу күннэргэ тапталлаах куораппыт төрөөбүт күнүгэр аналлаах араас тэрээһин ыытыллыаҕа. Бырагыраама киэҥ: онлайн куонкурустар, быыстапкалар, оонньуулар, викториналар, араадьыйанан биэриилэр, пааматынньыктарга сибэкки дьөрбөтүн ууруу, кыһыл көмүс уонна үрүҥ көмүс пааралары чиэстээһин, видеонан уруоктар, марафоннар, кэнсиэртэр, о.д.а.
Куорат олохтоохторо, көхтөөх кыттыыны ыларгытыгар ыҥырабыт. Толору бырагырааманы якутск.рф сайтка киирэн көрүҥ.
Сонуннар
Ордук ааҕаллар
