Түүн матасыыкылынан сүүрдэри хааччахтыыр суол бэлиэтин туруоруохтара

Куорат олохтоохторуттан матасыыкыллаах дьон түүҥҥү чуумпурууну кэһэллэрин туһунан элбэх үҥсүү киирэринэн, Олохтоох дьаһалта сокуон ирдэбилигэр сөп түбэһиннэрэн киэһэ 21.00 чаастан сарсыарда 008.00 чааска диэри матасыыкылынан айаны хааччахтыыр суол бэлиэтин туруорар былааннанарын иһитиннэрэр – 3.5 «Движение мотоциклов запрещено» бэлиэҕэ эбии 8.5.4 «Время действия с 21:00 по 08:00».
2009 сыл алтынньы 14 күнүгэр ылыллыбыт СӨ Административнай буруйу оҥоруу туһунан кодексатын №337-IV 3.5 ыстатыйатынан олохтоох бириэмэнэн киэһэ 21.00 чаастан сарсыарда 08.00 чааска диэри үлэ күннэригэр түүҥҥү чуумпуну уйгуурдар сатаммат, диэн иһитиннэрэр Олохтоох дьаһалта Куораты тутууга уонна тырааныспар инфраструктуратыгар департаменын тырааныспар уонна суол хаһаайыстыбатыгар управлениета.