30.12.2021 | 12:35

Төгүрүк суукканан үлэлиир киин дьэллик ыттары тутарга информацияны хомуйар

Төгүрүк суукканан үлэлиир киин дьэллик ыттары тутарга информацияны хомуйар
Ааптар: Киин Куорат
Бөлөххө киир

Биир кэлим дьуһуурунай-диспетчерскэй сулууспа иһинэн дьэллик ыттары тутарга олохтоохтортон суһал информацияны хомуйар сыаллаах төгүрүк суукканан үлэлиир киин арылынна. Бу туһунан Олохтоох дьаһалта пресс-сулууспата иһитиннэрдэ.
Диспетчерскэй сулууспа нүөмэрэ 46-44-54 и 44-42-29.
Whatsapp ситимигэр муниципальнай салайар бот-чат арылынна+7(914) 261-06-98, манна дьэллик ыттар баар аадырыстарын ыйан туран хаартысканан, видеонан информацияны ыытыахха сөп. 
Бэҕэһээ, ахсынньы 29 күнүгэр, ипподром оройуонугар ыттар саба түһэннэр 53 саастаах дьахтар  олус хомолтолоохтук күн сириттэн күрэннэ. Киэһэ куорат баһылыга Евгений Григорьев ыксаллаах быһыыга-майгыга Хамыыһыйа мунньаҕын ыытта, дьэллик ыттары тутарга суһал штаб тэрилиннэ. Автодорожнай уокурукка ыксаллаах быһыы-майгы, оттон куорат атын территориятыгар үрдүк таһымнаах бэлэм эрэсиимнэрэ киллэрилиннилэр. Түүҥҥү өттүгэр эбии биригээдэлэри уонна патруллуур бөлөхтөрү тэрийэргэ бэлэмнэнии ыытылынна. 


Сарсыарда  8 чааска  куорат баһылыга Евгений Григорьев Комсомольскай болуоссакка дьэллик ыттары тутар суһал штаб мунньаҕын ыттары тутааччылар биригээдэлэрэ уонна  патруллуур бөлөхтөр кыттыылаах ыытта. 
Бүгүн сарсыарда ыттары тутарга эбии 11 биригээдэ тэрилиннэ, барыта 30 тутааччылаах 15 биригээдэ буолла. Ыттары тутар тэрээһиннэргэ 170 мэрия сотрудниктара, упраава, муниципальнай тэрилтэлэр үлэһиттэрэ, экстреннэй сулууспалар, 47 тырааныспар тардылыннылар.   
Хас биирдии биригээдэҕэ туһааннаах үлэһиттэр, кинологтар, кыылы кытта үлэлиир уопуттаах дьон бааллар, эбии инструктаж ыытылынна. Ыттары тутуу сокуон чэрчитинэн барар.
Бары упрааваларга патрууллуур бөлөхтөр ананнылар, кинилэр ыт үөрэ ханнык баарын туһунан суһал информацияны тутар биригээдэлэргэ тиэрдэн иһиэхтээхтэр.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...