«Сырдык киин куорат» бырагырааманан үлэ салҕанар

«Сырдык киин куорат» муниципальнай бырагыраама олоххо киириитигэр өрөспүүбүлүкэтээҕи бүддьүөттэн 60 мөлүйүөн солкуобай, куорат бүддьүөтүттэн 17  мөлүйүөн 900 тыһыынча солкуобай көрүлүннэ.

Бу иннинээҕи сылларга курдук, куорат салалтата Дьокуускай кытыытын сырдатыыга улахан үлэни ыытар. Ол курдук, Марха дьоҕус оройуонун Ярославскай уулуссатыгар, Кангалааска Севернай переулокка, Маҕан сэлиэнньэтигэр Антеннай уул., 2, Пригороднайга Пляжнай уулуссаттан («Сайылык» СОТ) Хочо уул., 2 диэри, Табаҕа сэлиэнньэтигэр Лесной уулуссаҕа, Хатаска Дорожной уулуссаҕа, Тулагыгы Связистар уулуссаларыгар (ИЖС зонатыгар) сырдатыы тирээбиллэрэ туруоруллуохтара.

Куорат киинигэр сырдатыы саҥа тирээбиллэри Кузьмин уул., 10, 17/8, 14, Курнатовскай уул., 2/1, 3/3, Ларионов уул., 14-с уонна 20-с №-дээх дьиэлэр тастарыгар, Хабаров уул., 21/5 уонна 21/7, Киров уул., – «Хомус» эргиэн дьиэтэ турар сириттэн «Парус» оҕо уһуйааныгар диэри (Шавкунов уул. учаастага), Каландаришвили уул., 38/1, 38/2 31-с №-дээх оскуола өттүттэн, 38/5 №-дээх дьиэтэ 52-с №-дээх «Белочка» оҕо уһуйаанын өттүттэн, итиэннэ Каландаришвили уул., 34, 36, 38/3а №-дээх дьиэлэрэ, Сэбиэскэй Аармыйа 50 сыла уул., 86, 25/1, 23/4, 25, Сосновай уул. 52-с дьиэтиттэн Винокуров уул. диэри, Якутскай уул., Халтурин уул., 7, 11, 15, 15/1, 15/2, Петр Алексеев уул., 5, Шавкунов уул. Пушкин уул. 23/1 нөҥүө, Наука кыбаартала, 40-с  №-дээх «Солнышко» оҕо уһуйааныттын Тимирязев уул., 72-78 уонна Эргэ Покровскайдыыр тракт 6-74 туруоруохтара.

«Куорат хаһаайыстыбатын үлэлэтэр сулууспа» иһитиннэрбитинэн, аадырыстар эбиллиэхтэрин сөп.