Сырдатыы үлэтэ күүһүрэр

Дьокуускай куорат үс уулуссатын 200-тэн тахса натриевай лаампаларын светодиоднайга уларыттылар. Ол туһунан куорат дьаһалтатын пресс-сулууспата иһитиннэрдэ. 
Ол курдук, Лермонтов уулуссатыгар 142 светодиоднай лаампа холбоммут. 
Петр Алексеев уулуссатыгар 4 №-дээх маҕаһыынтан Поярков уулуссатыгар диэри 15 лаампа, Богатырев уулуссатыгар (Хабаров уулуссатыттан Губин уулуссатыгар диэри) 44 лаампа светодиоднайга уларыйбыт.  
Бу ыйга лаампа уларытыыта Хабаров уулуссатыгар ситэри оҥоһуллуоҕа. Манна 106 лаампа уларыйыаҕа. 
Эргэрбит лаампалары уларытыы туһунан этиини куорат баһылыга Евгений Григорьев киллэрбитэ. «Сырдык киин куорат» бырагыраамаҕа 2021 сылга аҕыс мөлүйүөнтэн тахса солкуобай үп көрүллүбүтэ.