03.10.2020 | 12:48

СЫЛГЫЛААХ ДЬОҤҤО ИРДЭБИЛ КЫТААТАР

СЫЛГЫЛААХ ДЬОҤҤО ИРДЭБИЛ КЫТААТАР
Ааптар: Киин Куорат

Бэйдиэ сылдьар сылгылар хаһаайыттара административнай эппиэтинэскэ тардыллан, 3000 солкуобайынан ыстарааптаналлар.. 

Тыа хаһаайыстыбатын управлениетыгар иһитиннэрбиттэринэн, бу кэнники күннэргэ 2 сылгы үөрүн бас билээччилэрэ быһаарыллыбыт. Кинилэри 3000 солкуобайга ыстарааптаабыттар.

Дьокуускайга билигин 8-10 үөр сылгы бэйдиэ сылдьара биллэр. Үксүлэрэ бэлиэлэрэ суох. Ол иһин хаһаайыттарын булан ылар олус уустук.  

СЫЛГЫЛАРГА ЫСТАРААП СТОЯНКА ТЭРИЛЛИЭҔЭ

Урут хаһаайыннара ким буолара биллибэт үөрү куорат таһыгар үүрэн кэбиһии уопута баара. Дьокуускай куоракка көрүүтэ-истиитэ суох сылдьар дьиэ кыылларын тутар анал балаһаакка тэриллэрэ былааннанарын Тыа хаһаайыстыбатын управлениета иһитиннэрэр.

Тулагы уонна Хатас агро хайысхалаах оскуолаларын баазатыгар көрүүтэ-истиитэ суох сылдьар сылгыларга ыстараап стоянкалары тэрийиэхтэрин сөп. Билигин сылгылары тутан ылыы, тиэйии, аһатыы уонна көрүү-истии бэрээдэгэ торумнанар.

Онон мантан антах сылгылары көрүү-истии иһин административнай эппиэтинэс күүһүрүөҕэ. Хаһаайыттар сылгыларын сөптөөх усулуобуйанан хааччыйбатахтарына, мэччирэҥ сир бэриллиэ суоҕа. Дьоҥҥо суоһуур кутталы аахпатахха, бөхтөн аһааһын сыспай сиэллээхтэргэ бэйэлэригэр олус кутталлаах. Ол иһин эһиилгиттэн сылгыларга булгуччу чип кэтэрдии ирдэниэҕэ диэн Тыа хаһаайыстыбатын управлениетыгар былаанныыллар.

МЭЧЧИРЭҤ СИР БЭРИЛЛИЭҔЭ

Дьокуускайга уонна куорат чугаһыгар 3169 төбө сылгы иитиллэр. 2020 сылга 14 хаһаайыстыба сылгы иитиитин сайыннарыыга субсидия ылбыта.

Киин куорат таһынааҕы нэһилиэктэргэ мэччирэҥ сирэ тиийбэтин туһунан урут да суруйан турабыт. Билигин тыа хаһаайыстыбатын сирдэрин сылгы иитээччилэргэ мэччирэҥ сирин быһыытынан туһаҕа биэрии бэрээдэгин чэпчэтии боппуруоһа көрүүгэ сылдьар. Быһаарыы ылыллар түгэнигэр, сылгы иитээччилэр тыа хаһаайыстыбатын бородууксуйатын оҥорон таһаарааччылары өйүүр өрөспүүбүлүкэтээҕи бырагыраама чэрчитинэн субсидия ылар кыахтаныахтара.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.