Сылга хас киһинэн эбиллэбит?

2023 сыл тохсунньу 1 күнүнээҕи туругунан Дьокуускай куорат нэһилиэнньэтин ахсаана 378549 киһиэхэ тэҥнэһэн турар. Кэлиҥҥи 5 сылга сыллата 4-тэн 20 тыһыынчаҕа тиийэ киһи эбиллэр.

2020 сыллааҕы Бүтүн Арассыыйатааҕы нэһилиэнньэ биэрэпиһин түмүгүнэн Дьокуускай куорат территориятыгар 100-тэн тахса араас омук бэрэстэбиитэлэ олороро биллибит, ол иһигэр саамай элбэх ахсааннаахтара: сахалар – 59,2% уонна нууччалар – 26,4%. Маны сэргэ атын омуктар: киргизтэр – 3,4%, эбэҥкилэр – 1,9%, таджиктар – 1,7%, кытайдар – 1,4%, эрмээннэр – 1,1%, бүрээттэр уонна эбээннэр – 0,6-лыы %, украинецтар – 0,5%, татаардар – 0,4%, дьүкээгирдэр – 0,1%.
2023 сыл кулун тутар 1 күнүнээҕи туругунан «Дьокуускай куорат» Куорат уокуругар 11457 юридическэй сирэй уонна 13301 биирдиилээн урбаанньыт бэлиэтэммит. 
2022 сыл тохсунньу – олунньу ыйдарыгар тэрилтэ үлэтин барыллаан ахсаана 85,4 тыһ. киһиэхэ тэҥнэспит.