11.06.2021 | 10:29

Сылайбакка кэллэ

Сылайбакка кэллэ
Ааптар: Иван Ушницкай

Кыра уҥуохтаах Изабелла Борисова 100 км сүүрүүгэ, бэйэтиттэн быдан киэҥ хардыылаах, уһун атахтаах дьахталлартан бастакынан кэллэ. Кини аан дойдутааҕы таһымнаах маастар нуорматын толордо! Сорохтор 42 км 195 м, оннооҕор орто сүүрүүлэргэ олох быстан кэлээччилэр. Изабелла, икки кыыс ийэтэ, бачча уһун дистанцияны холкутук кэлэн, тренерэ Татьяна Жиркова бастакынан эҕэрдэлии көрсүбүтүгэр үөрэ-көтө бара турдулар.
Ньурба Маалыкайыттан төрүттээх спортсменкабыт бириэмэтэ — быйылгы сезоҥҥа аан дойдуга бастыҥ – 7 чаас, 32 мүнүүтэ!  Онон Жиркова быйылгы сылга Арассыыйа-21 чемпионкалара Сардаана Трофимованы, Изабелла Борисованы уонна Арассыыйа-21 үрүҥ көмүс призера Надежда Гоголеваны бэлэмнээн, ити дойду саамай улахан түһүлгэлэриттэн үөрэнээччилэринэн аҕыйах ый иһигэр үс мэтээли өрөспүүбүлүкэҕэ аҕалтарда. Урут мэтээлтэн ыраах сырытталлар да, маастар нуорматын толордохторуна үөрүү буолара.

 

Кырджагасов кыһаллыыта
 

Аан дойдутааҕы таһымнаах маастар Надежда  Гоголеваны соторутааҥҥы кыайыытынан чиэстээһин буолла. Ааспыт сылларга Арассыыйа чемпионаттарыгар 100 км иккитэ биэтэккэ кэрэ аҥаардартан инникинэн лиэнтэни быһан турар. Быйыл ыам ыйын 16 күнүгэр суукка устата сырсыыга 245,5 км  баран, Арассыыйа үрүҥ көмүс призера буолбута. Итинэн өрөспүүбүлүкэ абсолютнай рекордун тупсарбыта. 

Чиэстээһиҥҥэ Саха сирин сүүрүүнү сөбүлээччилэрин уонна чэпчэки атлетика  федерациятын аатыттан ити уопсастыбаннай тэрилтэ салайааччыта  Анатолий Кырджагасов эҕэрдэлээтэ, спорка, тус олоҕор ситиһиилэри баҕаран туран,  150 000 солкуобай суумалаах сертификаты туттарда.

Тренер Татьяна Жиркова тохсунньуттан ыла бу спортсменканы кытта үлэлээн эрэрэ тута ситиһии биэрдэ. Киниэхэ  ол иһин 50 000 солкуобайдаах бириэмийэ ананна.   

Сонуннар

Ордук ааҕаллар

Өбүгэ ситимэ, күүһэ уонна көмүскэлэ
Дьон | 29.07.2022 | 18:00
Өбүгэ ситимэ, күүһэ уонна көмүскэлэ
Кэлиҥҥи кэмҥэ төрдү-ууһу үөрэтиигэ интэриэс күүһүрдэ. Бүгүн, «өбүгэ ситимэ, күүһэ уонна көмүскэлэ” диэн өйдөбүллэргэ олоҕуран, өбүгэлэрбит күннээҕи олохпутугар, куппутугар-сүрбүтүгэр дьайыыларын туһунан эмчит, удаҕан Анастасия Владимировна Картузовалыын сэһэргэһэбит.
Валентина Колодезникова-Айыына:  Киһи баҕарыах эрэ тустаах
Дьон | 04.08.2022 | 10:00
Валентина Колодезникова-Айыына: Киһи баҕарыах эрэ тустаах
Бүгүҥҥү нүөмэрбитигэр мас ууһа Валентина Колодезникова--Айыынаны кытта кэпсэтэбит. Валентина-Айыына уустар түөлбэлээн үөскээбит Баайаҕа нэһилиэгиттэн төрүттээх. Тутуу биригээдэтин салайааччыта. Дьоҕурун сөпкө туһаммыт уонна киэҥ эйгэҕэ таһаарбыт уус.
Түргэнник оҥоһуллар салааттар
Тускар туһан | 29.07.2022 | 16:09
Түргэнник оҥоһуллар салааттар
“Венеция” Састааба: копченай халбаһы, оҕурсу, моркуоп, кукуруза, майонез. Халбаһыны, огурсуну, моркуобу барытын биир формалаан кырбыыбыт. Кукурузаны, майонеһы эбэбит.     “Нежность” Састааба: хаппыыста, копченай халбаһы, чеснок, петрушка, майонез, туус. Барытын кырбаан, чесногу олох бытархай гына кырбастаан баран, салааппытын майонезтаан кэбиһэбит.   “Суһал салаат” Састааба: крабовай палочка,  сухарик, кукуруза кэнсиэрбэтэ, пекинскэй хаппыыста, кытаанах сыыр,...