Сылаас туалеттар үлэҕэ киирэллэр

Киин куоракка сэтинньи ыйтан саҕалаан икки сылаас туалет үлэҕэ киириэхтэрэ. Бу туһунан Уокуруктааҕы дьаһалта пресс-сулууспата иһитиннэрэр. 
Тыйыс тымныылаах кыһыҥҥы ыйдарга абыраллаах сылаас туалеттар Ленин проспегын аатынан уулусса 86 №-дээх тутуутугар уонна Киров уулуссатыгар баар Наталья Водянова аатынан былаһааккаҕа туруохтара. Бу куорат олохтоохторо уонна ыалдьыттара уруккуттан баҕа санаалара, туруорсар боппуруостара. 
Ленин проспегын уулуссатыгар баар туалекка биэс унитаз туруохтаах. Биир унитаз доруобуйаларынан хааччахтаах дьоҥҥо ананыаҕа. Итини сэргэ илии суунар биэс раковина баар буолуоҕа.
Киров аатынан уулуссаҕа түөрт унитаз таҥыллыахтаах, онтон биирдэстэрэ эмиэ доруобуйаларынан хааччахтаах дьоҥҥо анаан оҥоһуллуоҕа. Итини таһынан илии суунарга түөрт раковинаны туруоруохтара.
Бу күннэргэ туалекка киирии төлөбүрүн кээмэйэ чуолкайданыахтаах.