13.09.2021 | 17:00

Сылаас тохтобулга бастакы тыа хаһаайыстыбатын маҕаһыына аһылынна

Сылаас тохтобулга бастакы тыа хаһаайыстыбатын маҕаһыына аһылынна
Ааптар: Киин Куорат
Бөлөххө киир

Лермонтов уулуссатыгар «Жилищный департамент» сылаас тохтобулга Нам улууһуттан аҕалан сибиэһэй тыа хаһаайыстыбатын бородууксуйатын атыылыыр дьоҕус маҕаһыын аһылынна. Ол туһунан Уокуруктааҕы дьаһалта пресс-сулууспата иһитиннэрдэ. 
Сылаас тохтобулларга олохтоох бородууксуйаны атыылыыр туһунан этиини куорат баһылыга Евгений Григорьев биир дойдулаахтар Сэбиэттэрин кытта үлэлэһэн киллэрбитэ. Ити кини быыбар иннинээҕи бырагырааматын пууннарыттан биирдэстэрэ буолар. 
Дьокуускай куорат тас сибээстэргэ уонна Уокуруктааҕы дьаһалта инвестиционнай бырайыактарын олоххо киллэриигэ Департаменын начаалынньыга Владимир Аржаков иһитиннэрбитинэн, СӨ муниципальнай тэриллиилэрин кытта бииргэ үлэлээһин чэрчитинэн, олохтоох тыа хаһаайыстыбатын оҥорон таһаарааччыларын өйүүр уонна тыа хаһаайыстыбатын бородууксуйатынан куорат олохтоохторун хааччыйар сыаллаах тыа хаһаайыстыбатын Управлениета улуустар предпринимателлэрин кытта сылаас тохтобулларга аренда дуогабарын түһэрсэргэ үлэлэһэр. Бааһынай фермерскэй хаһаайыстыбалар чэпчэтиилээх усулуобуйаҕа киирэллэр, ол курдук аренданы төлөөбөттөр, коммунальнай өҥө иһин эрэ төлүүллэр. 
«Атыылыырбытыгар сылаас тохтобулу биэрбиттэриттэн олус үөрдүбүт. Мин фермербын, тыа хаһаайыстыбатынан дьарыктанабын, оҕуруот аһын үүннэрэбин, сылгыны иитэбин. Манна оҕуруот аһын атыылыахпыт, бородууксуйабыт хаачыстыбалаах, экологическай өттүнэн ыраас. Сыаната чэпчэки буолуоҕа», – диэтэ Хамаҕатта нэһилиэгин фермерскэй хаһаайыстыбатын салайааччыта Александр Жирков. 
Сыл устата 20 сылаас тохтобул үлэҕэ киирэрэ былааннанар. Билиҥҥи туругунан сылаас тохтобулларга тыа хаһаайыстыбатын икки оҥорон таһаарааччыларга - «Жилищный департамент» тохтобулга Нам уонна «Сельскохозяйственный техникум» тохтобулга Анаабыр улуустарын предпринимателлэригэр миэстэ бэрилиннэ. Сотору кэминэн куораттааҕы тыа хаһаайыстыбатын Управлениета саҥа аһыллыбыт тохтобулларга ким атыылыы киирэрин быһаарыаҕа. 
«Бүгүҥҥү күҥҥэ Анаабыр, Үөһээ Бүлүү уонна Чурапчы оройуоннарын бэрэстэбиитэллэрин кытта кэпсэтиини ыытабыт. Сотору кэминэн куорат олохтоохторун сибиэһэй олохтоох бородууксуйанан хааччыйыахпыт диэн эрэнэбит», – диир  куораттааҕы тыа хаһаайыстыбатын Управлениетын салайааччытын солбуйааччы  Семен Васильев.

Сонуннар

Ордук ааҕаллар

Саллаат таҥарата — ийэтэ, кэргэнэ
Сонуннар | 08.03.2024 | 09:30
Саллаат таҥарата — ийэтэ, кэргэнэ
Наталья Андреевна Охлопкованы анал байыаннай дьайыыга сылдьар уолаттар олус убаастыыллар, ытыктыыллар, олох дьоруой курдук саныыллар диэни истэн баран, булан кэпсэтэргэ санаммытым уонна, чахчы да, дьоруойдар тыылга эмиэ бааллар эбит диэн санааҕа кэллим.
Хатаска саҥа спорт комплекса арылынна
Сонуннар | 13.03.2024 | 14:09
Хатаска саҥа спорт комплекса арылынна
Хатас урут даҕаны, билигин даҕаны чөл-чэгиэн дьонунан тутахсыйбатаҕа. Ол гынан баран ол туһугар усулуобуйа наадатын бары да өйдүүбүт. Иллэрээ күн, кулун тутар 12 күнүгэр, баҕа санаа туолара маннык эбит диэххэ диэри сабыс-саҥа “Дьулуур” спорт комплексын киэҥ уораҕайа аанын тэлэччи арыйда. Этиллибит кэмҥэ дьон устар сүүрүктүү хотоҕостуу субуллан, 400 миэстэлээх саала...
Норуот эмтиэкэтэ
Тускар туһан | 08.03.2024 | 12:00
Норуот эмтиэкэтэ
Аныгы үйэ буолан үгүспүт социальнай ситимнэри ааҕар, туттар, кэтиир-маныыр. Манна наадалаах, туһалаах сүбэлэр хото суруллаллар. Ону биһиги бүгүн ааҕааччыларбытыгар дьиҥнээхтии көмөлөспүт дьон суруйбуттарын, айылҕалаахтар да эппиттэрин көрөн бэчээттиэхпит. Ол эрээри, барытын туттан, туһанан испэккитигэр сүбэлиибит, бэйэҕит эккит-сииҥҥит тугу ирдиирин, быраас сүбэтин тутуһаргыт ордук.   Куртах бааһын (язва) оһордор ас туһунан Устудьуоннуу...
Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.