22.12.2021 | 12:00

Сыл түмүгүнэн куорат баһылыгын пресс-конференцията ыытылынна

Сыл түмүгүнэн куорат баһылыгын пресс-конференцията ыытылынна
Ааптар: Киин Куорат
Бөлөххө киир

Ахсынньы 21 күнүгэр Ю.А.Гагарин аатынан култуура уонна аныгы искусство Киинигэр Дьокуускай куорат баһылыга Евгений Григорьев үгэс буолбут улахан пресс-конференцияны ыытан сыл түмүктэригэр уонна былааннарга сыһыаннаах суруналыыстар ыйытыктарыгар хоруйдаата. Ол туһунан Уокуруктааҕы дьаһалта пресс-сулууспата иһитиннэрдэ.
Пресс-конференция «Эхо столицы» муниципальнай хаһыат суруналыыһын ыйытыгыттан саҕаламмыт. Саҥа хомунаалынай тиэхиньикэни атыылаһыы туһунан хоруйугар Евгений Григорьев быйыл 29 устуука тиэхиньикэ, онтон 2022 сылга 90  ыллыллыахтааҕын бэлиэтээбит. 
«Хомунаалынай тиэхиньикэни саҥардыыны хас биирдии куорат олохтооҕо бэйэтинэн билиэҕэ. Куорат ыраас уонна олорорго бары өттүнэн табыгастаах буолуоҕа диэн эрэнэбин», – диэбит  куорат баһылыга.
Кэлэр сылга 34 км куорат суолун өрөмүөннүүр былааннаммыт. «Ити үлэҕэ уустук эбийиэктэр бааллар – Ленин проспега, Можайскай уулуссатын кэҥэтии, Ильменскай уонна Пирогов уулуссаларын өрөмүөнэ. Биллэн турар, саамай элбэх хапытаалы ирдиир эбийиэгинэн Ленин проспега буолар», – диэн бэлиэтээбит   Евгений Григорьев.
Итини сэргэ Евгений Николаевич өрөспүүбүлүкэ киинигэр сылаас тохтобуллар арыллар болдьохторун туһунан информацияны биэрбит. 
«Бүгүҥҥү күннээҕи туругунан Дьокуускай куорат территориятыгар 42 сылаас тохтобул тутулунна, билигин сорохторо уота суох тураллар. Ресурсанан хааччыйар тэрилтэни кытта былааннаах үлэ ыытыллар. Бу нэдиэлэҕэ сэттэ тохтобул аһыллыаҕа уонна сыл бүтүөр диэри бары сылаас  тохтобуллар үлэҕэ киириэхтэрэ. Ити олохтоох дьаһалта туппут бастакы тохтобуллара буолалларыгар болҕомтону ууруохпун баҕарабын», – диэн бэлиэтээбит  куорат баһылыга.
Бэлиэтээн эттэххэ, суруналыыстар ыйытыктара үксүн куораты тупсарыыга, тутууга, хапытаалынай өрөмүөҥҥэ, суол өрөмүөнүгэр, социальнай гаастааһын бырагырааматыгар, сылаас тохтобуллар арыллар болдьохторугар, куорат баанньыгын тутуутугар, уопсастыбаннай тырааныспар бырайыаһын үрдээһинигэр уонна пааркатын саҥардыыга уонна марштруттары уларытыыга сыһыаннаахтар.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...