31.03.2022 | 13:00

«Сыл иитээччитэ – 2022» куонкурус муниципальнай түһүмэҕэ саҕаланна

«Сыл иитээччитэ – 2022» куонкурус муниципальнай түһүмэҕэ саҕаланна
Ааптар: Киин Куорат
Бөлөххө киир

Кулун тутар 29 күнүгэр Ф.И. Авдеева аатынан оҕо айымньытын Дыбарыаһын кэнсиэртиир саалатыгар «Сыл иитээччитэ – 2022» куонкурус муниципальнай түһүмэҕэ үөрүүлээх быһыыга-майгыга арылынна. Үөрүүлээх арыллыы тэрийээччитэ – 23-с №-дээх «Цветик-семицветик» оҕо уһуйаана. Бу туһунан Олохтоох дьаһалта үөрэҕириигэ Управлениета иһитиннэрдэ.
Быйылгы куонкуруска Дьокуускай куорат оскуола иннинээҕи муниципальнай тэрилтэлэриттэн уонна икки чааһынай уһуйаантан 16 педагог кыттар. 
Куонкурус кыттыылаахтарын Олохтоох дьаһалта үөрэҕириигэ Управлениетын начаалынньыга Алексей Семенов эҕэрдэлээтэ уонна бу күрэххэ саамай хорсун уонна айымньылаах педагогтар кытталлар диэн бэлиэтээтэ. 
«Бу күннэргэ эһиэхэ кэтиир, атын оҕо үөрэҕириитин тэрилтэлэрин кытта кэллиэгэлэргитин тэҥнии көрөр сэдэх түгэн бэриллэр», - диэтэ Алексей Семенов.
Быйыл киин куоракка иитээччилэр Кулууптара тэрилиннэ. Ол туһунан оскуола иннинээҕи салаа сүрүн исписэлииһэ Мария Трофимова кэпсээтэ. Кулууп чилиэннэрэ хас биирдии кыттааччыга куонкурус туһунан өйдөбүнньүк матырыйааллары туттардылар.
Кулууп аатыттан кыттааччыларга туһаайан 2014 сыллааҕы өрөспүүбүлүкэтээҕи түһүмэх кыайыылааҕа Наталия Алексеева тыл эттэ.
«Эһигини олус уустук, ол эрэн наһаа кэрэхсэбиллээх уонна туһалаах тургутуу күүтэр. «Сыл иитээччитэ» куонкурус – идэлээх олоххут наһаа үчүгэй кэрчигэ, кини тугунан да кээмэйдэммэт уопуту уонна сонун идиэйэлэри бэлэхтиэҕэ», - диэтэ Наталья Алексеева.
2010 сыллааҕы муниципальнай түһүмэх кыайыылааҕа, 5-с №-дээх «Радуга» уһуйаан сэбиэдиссэйэ Елена Стрыкун уочараттаах түһүмэх бүппүтүн, онно кыттааччылар үрдүкү кылаастаахтарын көрдөрбүттэрин, презентацияларын, үлэлэрин уонна сайтарын билиһиннэрбиттэрин туһунан кэпсээтэ. 
«Куонкурус кыттыылаахтарын аныгыскы түһүмэхтэр – «Мин ситиһиилээх бырайыагым», «Оҕолору кытта педагогическай тэрээһин», маастар-кылаас, төрөппүттэргэ аналлаах семинар, «Идэлээх кэпсэтии» ток-шоу күүтэллэр, - диэн бэлиэтээтэ Елена Стрыкун.
С.Н.Донской-II аатынан Үөрэҕирии сайдыытын уонна квалификация үрдэтиитин институтун аатыттан оскуола иннинээҕи үөрэх кафедратын сэбиэдиссэйэ Надежда Лебедева эҕэрдэлээтэ.
«Педагогическай уопсастыба түмүстэҕинэ Дьокуускай куорат оскуола иннинээҕи үөрэх систиэмэтэ хайдах курдук сайдыылааҕын көрөбүт. Систиэмэҕит наһаа бөҕө, бигэ туруктаах», - диэтэ кини.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...