Сыл биэс бастакы ыйыгар промышленнай оҥорон таһаарыы көрдөрүүтэ
![Сыл биэс бастакы ыйыгар промышленнай оҥорон таһаарыы көрдөрүүтэ](https://kiinkuorat.ru/wp-content/uploads/2024/07/2WmbeVBgsW.jpg)
2024 сыл тохсунньу-ыам ыйдарыгар 206,7 туонна ынах арыыта оҥоһулунна, бу көрдөрүү ааспыт сыл бастакы биэс ыйынааҕар 12,6% элбэх.
Үүтү оҥорон таһаарыы көрдөрүүтэ 2,4% үрдээбит, сиикэй үүттэн ураты, – 1242,4 туонна, чөчөгөйү оҥорон таһаарыы 2,6% үрдээбит – 377,0 туонна, иэдьэгэйи оҥорон таһаарыы 3,0% үрдээбит – 248,7 туонна.
Килиэп бородууксуйатын оҥорон таһаарыы кээмэйэ 6,7% намтаабыт – 10068,6 туонна, кондитерскай оҥоһук – 3,9%-нан намтаабыт, 1035,9 туонна, аһытыллыбыт үүт бородууксуйатын оҥорон таһаарыы, сүөгэйтэн ураты, 1,3% намтаабыт – 1699,9 туонна.
32243,6 тыһыынча саахара уонна атын эбилигэ суох лиитэрэ аҥаара иэннээх иһиттээх минеральнай уонна иһэр уу оҥоһуллан тахсыбыт, бу көрдөрүү ааспыт сыл бу кэмиттэн 2,8% үрдүк.
272,2 мөл. суумалаах кыһыл уонна үрүҥ көмүстэн ювелирнай оҥоһук оҥоһуллан тахсыбыт, бу ааспыт сыл биэс ыйынааҕар 4,0% элбэх.
Сыл биэс ыйыгар 16342,2 тыһ. туонна таас уонна алын суортаах бороҥ чох хостоммут, кураанах боруоданы аахпатахха, ол ааспыт сыл көрдөрүүтүттэн 136,9% үрдүк. 1,9 төгүл элбэх щебень хостоммут – 1228,7 тыһ. м3.
Этиллэр болдьоххо 5102,0 мөл. кВт.ч электроэнергия уонна 8367,3 тыһ. Гкал паар, итии уу оҥоһуллан тахсыбыт, ол эбэтэр 2023 сыл биэс ыйынааҕар туһааннааҕынан 2,8% уонна 0,4% аҕыйах. Ол туһунан Судаарыстыбаннай статистика федеральнай сулууспатын СӨ территориальнай уоргана иһитиннэрэр.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)