16.12.2022 | 17:00

Сыл бастыҥ ыалларын чиэстээтилэр

Ахсынньы 15 күнүгэр Дьокуускай куоракка өрөспүүбүлүкэтээҕи «Сыл бастыҥ дьиэ кэргэнэ» күрэх кыайыылаахтарын чиэстээһин буолла диэн CӨ Баһылыгын уонна Бырабыыталыстыбатын пресс-сулууспата иһитиннэрдэ.
Сыл бастыҥ ыалларын чиэстээтилэр
Ааптар: Киин Куорат
Бөлөххө киир

Саха АССР төрүттэммитэ 100 сылын туоларыгар Ил Дархан Айсен Николаев Ийэ сылынан биллэрбитэ.

Сыл түмүктэрин туһунан Бырабыыталыстыба бэрэссэдээтэлэ Сергей Местников иһитиннэрдэ :

«Ийэ сылыгар дьиэ кэргэни, ийэ буолууну уонна оҕо сааһы көмүскүүр кэккэ эбии миэрэлэр киирдилэр.

Элбэх оҕолоох ыаллар култуура уонна спорт судаарыстыбаннай тэрилтэлэригэр чэпчэтиинэн туһанан сылдьар буоллулар, биэстэн элбэх оҕолоох ыаллар олорор усулуобуйаларын тупсарар бырагыраама кэҥээтэ.

93 тыһыынчаттан тахса дьахтар доруобуйаларын бэрэбиэркэлэттэ, 7,5 тыһыынча дьахтар үлэ булуутугар көмөлөһүннэрдэ, тыһыынчаттан тахса идэлэрин таһымын үрдэттилэр уонна бэйэ дьыалатын саҕалыыр кыахтаннылар.

Оҕону иитэ ылбыт төрөппүттэри күүскэ өйүүр соругу туруордубут, кинилэргэ төлөбүр икки төгүл улаатта».

Бырабыыталыстыба бэрэссэдээтэлин солбуйааччы Сергей Местников өрөспүүбүлүкэ салалтатын аатыттан бастыҥ ыаллары эҕэрдэлээтэ уонна судаарыстыбаннай наҕараадалары туттартаата. «Герой ийэ» бэлиэнэн Сунтаар улууһун Арыылааҕыттан 10 оҕону төрөппүт Светлана Иванова наҕараадаланна. «Ийэ Албан аата» III-с истиэпэннээх мэтээли Хаҥалас Улахан Ааныттан Анжелика Аркадьева уонна Өлүөхүмэ Дабааныттан Мария Сафонова туттулар.

Өрөспүүбүлүкэтээҕи «Сыл бастыҥ дьиэ кэргэнэ» куонкурус 5 номинациятын кыайыылаахтарыгар Ил Дархан бириэмийэтин – 300 тыһыынча солкуобайы туттардылар. Ол курдук, «Бастыҥ эдэр ыал» – 4 оҕолоох Айталина, Дмитрий Петровтар (Дьокуускай), «Элбэх оҕолоох ыал» – 6 оҕолоох Игнатьевтар (Мэҥэ Хаҥалас), «Оҕону иитэр ыал» – 19 оҕону иитэр Татьяна, Николай Петровтар (Өлөөн), «Тыа сирин бастыҥ ыала» – Марина, Спиридон Федоровтар (Мэҥэ Хаҥалас), «Бастыҥ көс ыал» – Юмшановтар-Колесовтар (Эбээн Бытантай), «Үгэстэри илдьэ сылдьар ыал» – Александра, Дмитрий Егоровтар (Амма), «Кыһыл көмүс ыал» – 52 сыл бииргэ олорбут, 8 оҕолоох Светлана, Петр Горбунковтар (Өлүөхүмэ) чиэстэннилэр.  

СӨ Үлэҕэ, социальнай сайдыыга миниистирэ Елена Волкова бэлиэтээбитинэн, куонкурус бастаан муниципальнай таһымҥа, онтон улууска, өрөспүүбүлүкэҕэ ыытыллар. Быйылгы күрэххэ 108 ыал кыттыбыт. Миниистир «Сыл бастыҥ дьиэ кэргэнэ-2022» Бүтүн Арассыыйатааҕы куонкурус «Үгэстэри илдьэ сылдьар ыал» номинациятын кыайыылаахтарыгар Светлана, Василий Дьячковскайдарга (Чурапчы) туттарда. Дьячковскайдар Арассыыйа «Бочуотун кинигэтигэр-2022» бааллар.

Итини таһынан, Елена Волкова дьиэ кэргэн, демографическай политика сайдыытыгар кылааттарын киллэрбит, бастыҥ үлэлээх улуустар дьаһалталарыгар наҕараадалары туттарда: 1-кы миэстэлээх Ньурба улууһугар – 100 тыһыынча солкуобайы, 2-с миэстэлээх Дьокуускай куоракка – 80 тыһыынча солкуобайы, 3-с миэстэлээх Эдьигээн улууһугар – 60 тыһыынча солкуобайы.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Мария Мигалкина:   «Кэлии сиэмэлэринэн үлүһүйүмэҥ»
Дьон | 19.07.2024 | 10:00
Мария Мигалкина: «Кэлии сиэмэлэринэн үлүһүйүмэҥ»
Мин бүгүн ааҕааччыларбар, ордук хаһаайкаларга, 35 сыл үлэлээбит уопуттаах агроном, билигин биэнсийэлээх, дойдутугар сайылыы сылдьар Мария Семеновна Мигалкинаны кытта тэлгэһэтигэр тиийэн, үүнээйитин, сибэккитин көрө-көрө, дуоһуйа, астына кэпсэттим.   Сибэккигэ уоҕурдууну хото туттабын Бастатан туран ааҕааччыларга циния диэн сибэкки туһунан кэпсиэҕим. Урут биһиги “Циния обыкновенная” диэни олордор этибит, билигин “Циния кустовая” диэн...
Дьулустаан Ноговицын: ДЬУЛУС! ТУЛУС! КЫАЙ!
Дьон | 11.07.2024 | 10:00
Дьулустаан Ноговицын: ДЬУЛУС! ТУЛУС! КЫАЙ!
«Киин куорат» хаһыат бүгүҥҥү ыалдьыта – Туймаада туонатын Үрүҥ Тунах ыһыаҕын «Дыгын оонньуулара» күөн-күрэһин Таас Боотура, быйылгы күрэх муҥутуур кыайыылааҕа Дьулустаан Ноговицын.   Дьулустаан Ноговицын: – Дьокуускай куорат 1№-дээх баһаарынай чааһын байыаһа, төрөппүттэригэр соҕотох уол, эдьиийигэр быраат, тапталлаах кэргэн, үс оҕо амарах аҕата; – Мас тардыһыытыгар Саха Өрөспүүбүлүкэтин, Арассыыйа уонна аан...
Изабелла Попова: Сүрэхпэр сөҥөрбүт дьүөгэлэрим
Дьон | 19.07.2024 | 12:00
Изабелла Попова: Сүрэхпэр сөҥөрбүт дьүөгэлэрим
Арассыыйа үөрэҕириитин туйгуна, Саха сирин үөрэҕириитин бочуоттаах үлэһитэ, хас да кинигэ ааптара Изабелла Ильинична Попова бүгүн өрөгөйдөөх үбүлүөйүн көрсө өссө биир кинигэтин сүрэхтиир. Дьэ, кырдьык, сүрэхтиир... Сүрэҕин сылааһын иҥэрбит кинигэтин!   Ахтар-саныыр дьүөгэлэрим, Аламаҕай сэгэрдэрим, Саһарҕалаах сарсыардабын Сандаарытар куоларым!   Сүр... Сүрэх, сүрдээх, сүрэхтиир... Сахабыт тыла барахсан тугун бэрдэй! Биир тылтан силистэнэн-мутуктанан...