СВО-ҕа кыттыы уонна... иэстэн босхолонуу

Ахсынньы 1 күнүттэн саҕалаан, биир сылтан уһун болдьоххо контракт түһэрсэн, анал байыаннай дьайыыга сулууспалыы барар дьон бэйэлэрэ уонна  кинилэр дьиэ кэргэттэрин дьоно бу иннинэ ылбыт иэстэрин суут төлүүргэ уураахтаабыт түгэнигэр, онтулара сотуллуон сөп буолбут. Онуоха иэс муҥутуур улахан кээмэйэ 10 мөл. солк.  тахсыа суохтааҕа быһаарыллыбыт.

*Ону тэҥэ СВО-ҕа барааччы бу сыл бүтүөр диэри кирэдьиит каникулун көрдөөтөҕүнэ, ол каникула сулууспаттан кэлбитин кэннэ урукку курдук 30 эрэ күҥҥэ буолбакка, 180 күҥҥэ диэри уһатыллыан сөп.

*Анал дьайыы кыттыылаахтара исполнительнай хомуур төлөбүрүттэн босхолонор төрүөттэрэ да эбиллэн биэрбит. Бу туһунан 2024 сыл сэтинньи 23 күнүгэр уларыйбыт барыйаана бигэргэммит, ахсынньы 1 күнүттэн олоххо күүһүгэр киирбит, 391-с №-дээх федеральнай сокуоҥҥа этиллэр.