11.08.2022 | 12:00

Суут бириистэптэрин управлениета: «Иэстэри ирдэһии 12,5 % элбээтэ»

Арассыыйа Суут бириистэптэрин сулууспатын Саха сиринээҕи управлениетыгар коллегия мунньаҕа буолан ааста, сыл  аҥаарынааҕы түмүктэрин таһаардылар, инники үлэни торумнаатылар.
Суут бириистэптэрин управлениета:  «Иэстэри ирдэһии 12,5 % элбээтэ»
Ааптар: Лия АЛЕКСЕЕВА
Бөлөххө киир

Коллегия мунньаҕар Арассыыйа Суут бириистэптэрин сулууспатын Саха сиринээҕи управлениетын салайааччытын эбээһинэһин толорооччу Н.Н. Григорьева, салайааччыны солбуйааччы П.В. Местникова, отделлар уонна Управление аппараатын араас салааларын начаалынньыктара, куораттар уонна нэһилиэнньэлээх пууннар суут бириистэптэрэ кытыннылар.

 

Дакылаатчыттар үлэ түмүгүн билиһиннэрдилэр, ону сэргэ итэҕэстэри туоратарга бэйэлэрин көрүүлэрин кэпсээтилэр.

Ол курдук, Исполнительнай производство, ирдэһии, иэстээх дьон бас билиитин батарыы уонна оҕолору көрдөөһүн отделын начаалынньыга Лена Новгородова бэлиэтээбитинэн, Суут бириистэптэрин управлениеларын бары салааларыгар иэстэри ирдэһии дьыалатын ахсаана 12,5 бырыһыанынан элбээбит. Ирдэһиини толору ситиһиинэн 122 тыһыынчаттан тахса дьыала түмүктэммит, уопсайа 3 миллиард солкуобай дьоҥҥо төннөрүллүбүт.

Суут таһаарбыт аакталарын кэмигэр толорорго, дьон уонна тэрилтэлэр кэһиллибит бырааптарын көмүскүүргэ, көҥүллэрин уонна интэриэстэрин араҥаччылыырга сокуоҥҥа олоҕурар эрэ күһэйии ньымалара туттуллаллар. Холобур, иэстээх киһини олорор сиригэр тиийэн ирдэһэллэр, бас билиитин уонна баайын-дуолун бэрэбиэркэлииллэр (сыл аҥаарын устата уопсайа 36381 маннык сырыы оҥоһуллубут); Арассыыйа кыраныыссатын туоруулларын боболлор (47157 киһиэхэ кыраныыссаны туоруур бобуллубут); бас билиилэрин туталлар (3 463 бас билиигэ арест оҥоһуллубут).

 

Дознание отделын начаалынньыга Антон Закревскай кэпсээбитинэн, өрөспүүбүлүкэбитигэр оҕо туһатыгар элимиэннэри ирдэһии Арассыыйаҕа баар орто көрдөрүүттэн үрдээбит. РФ Холуобунай Кодексатын 157 ыст. («Неуплата средств на содержание детей или нетрудоспособных родителей») олоҕуран, сыл аҥаарын устата элимиэннэрин төлөөбөт төрөппүттэргэ уопсайа 209 холуобунай дьыала тэриллибит.

Олоххо баар холобуртан ылан көрдөххө, Амма улууһугар үс ый устата оҕолоругар суут уураахтаабыт сууматыттан төһө эмэ кыра сууманы – 14 тыһыынча солкуобайы эрэ төлөөбүт төрөппүккэ холуобунай дьыала тэриллибит. Буруйдаах алта ый күһэлэҥ үлэҕэ атаарыллыбыт.

 

Суут үлэтин тэрийии туһунан Владимир Малиновскай кэпсээбитинэн, Суут үлэтин хааччыйыы 100 бырыһыан толоруллар. 33 тыһыынчаттан тахса суут судьуйаларга, сэтээтэллэргэ уонна да атын суут кыттааччыларыгар куттал суох буолуутун хааччыйда, 1000-тан тахса дьону күһэйэн аҕаллылар, ол иһигэр 978 холуобунай дьыаланан.

 Суут дьиэтигэр киирии бэрэбиэркэтигэр 1485 бобуулаах мал-сал (сэрии сэбэ, уһуктаах тэрил о.д.а.) тутуллубут. Ирдэбилгэ сылдьар 14 киһини туттулар.

Арассыыйа федерациятыгар сылдьыы бэрээдэгин кэһии иһин, РФ Административнай кодексатын 18.8 ыст. олоҕуран («Нарушение иностранным гражданином или лицом без гражданства режима пребывания (проживания) в Российской Федерации, выразившееся в отсутствии документов, подтверждающих право на пребывание (проживание) в Российской Федерации»), 32 киһи дойдутугар утаарыллыбыт. Бу үксүгэр Узбекистан, Таджикистан, Кыргызстан, Армения, Казахстан гражданнара буолаллар.

 

Коллегия түмүгүн таһаарарыгар салайааччы эбээһинэһин толорооччу Н.Н. Григорьева үлэни өссө күүһүрдэргэ, дьон быраабын көмүскүүр, араҥаччылыыр дьыалалар, суут быһаарыылара толоруллан, үтүө түмүктээх буолалларын ситиһэргэ сорук туруорда.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Мария Мигалкина:   «Кэлии сиэмэлэринэн үлүһүйүмэҥ»
Дьон | 19.07.2024 | 10:00
Мария Мигалкина: «Кэлии сиэмэлэринэн үлүһүйүмэҥ»
Мин бүгүн ааҕааччыларбар, ордук хаһаайкаларга, 35 сыл үлэлээбит уопуттаах агроном, билигин биэнсийэлээх, дойдутугар сайылыы сылдьар Мария Семеновна Мигалкинаны кытта тэлгэһэтигэр тиийэн, үүнээйитин, сибэккитин көрө-көрө, дуоһуйа, астына кэпсэттим.   Сибэккигэ уоҕурдууну хото туттабын Бастатан туран ааҕааччыларга циния диэн сибэкки туһунан кэпсиэҕим. Урут биһиги “Циния обыкновенная” диэни олордор этибит, билигин “Циния кустовая” диэн...
Дьулустаан Ноговицын: ДЬУЛУС! ТУЛУС! КЫАЙ!
Дьон | 11.07.2024 | 10:00
Дьулустаан Ноговицын: ДЬУЛУС! ТУЛУС! КЫАЙ!
«Киин куорат» хаһыат бүгүҥҥү ыалдьыта – Туймаада туонатын Үрүҥ Тунах ыһыаҕын «Дыгын оонньуулара» күөн-күрэһин Таас Боотура, быйылгы күрэх муҥутуур кыайыылааҕа Дьулустаан Ноговицын.   Дьулустаан Ноговицын: – Дьокуускай куорат 1№-дээх баһаарынай чааһын байыаһа, төрөппүттэригэр соҕотох уол, эдьиийигэр быраат, тапталлаах кэргэн, үс оҕо амарах аҕата; – Мас тардыһыытыгар Саха Өрөспүүбүлүкэтин, Арассыыйа уонна аан...
Изабелла Попова: Сүрэхпэр сөҥөрбүт дьүөгэлэрим
Дьон | 19.07.2024 | 12:00
Изабелла Попова: Сүрэхпэр сөҥөрбүт дьүөгэлэрим
Арассыыйа үөрэҕириитин туйгуна, Саха сирин үөрэҕириитин бочуоттаах үлэһитэ, хас да кинигэ ааптара Изабелла Ильинична Попова бүгүн өрөгөйдөөх үбүлүөйүн көрсө өссө биир кинигэтин сүрэхтиир. Дьэ, кырдьык, сүрэхтиир... Сүрэҕин сылааһын иҥэрбит кинигэтин!   Ахтар-саныыр дьүөгэлэрим, Аламаҕай сэгэрдэрим, Саһарҕалаах сарсыардабын Сандаарытар куоларым!   Сүр... Сүрэх, сүрдээх, сүрэхтиир... Сахабыт тыла барахсан тугун бэрдэй! Биир тылтан силистэнэн-мутуктанан...