14.07.2022 | 12:00

Суут бириистэптэрин сулууспаларыттан информацияны ылыы туһунан

Суут бириистэптэрин сулууспаларыттан информацияны ылыы туһунан
Ааптар: Лия АЛЕКСЕЕВА

Суут бириистэптэрин сулууспаларыттан туһааннаах информацияны ылыы судургу уонна табыгастаах буолла.  Биэдэмистибэ гражданнары уонна тэрилтэлэр бэрэстэбиитэллэрин кытта үлэни хаачыстыбалаахтык уонна араас ньыманан ыытарын туһунан кэпсиибит.

Билигин нэһилиэнньэ информацияны ылар сүрүн ньымата – судаарыстыбаннай уонна муниципальнай өҥөлөр порталлара. Манна исполнительнай производство бары өрүтүгэр аналлаах өҥөлөр бааллар. Информационнай сервистэр көмөлөрүнэн исполнительнай производство дьыалатын хас биирдии хардыытын, ууруллубут хааччахтары билиэххэ сөп: бас билиини тутуу, кыраныыссаны туорааһыны бобуу. Ол курдук, Арассыыйа олохтоохторун интерактивнай сайаапкаларын ахсаана быйыл 15 мөлүйүөҥҥэ тиийбит. Информационай сервистэр суут бириистэптэриттэн кэлэр информацияны кэмигэр тиэрдэллэр, холобур, исполнительнай производство саҕаламмытын уонна түмүктэммитин туһунан.

Судаарыстыбаннай өҥөлөр порталларыгар Суут бириистэптэрин федеральнай сулууспатын өссө биир сервиһэ – исполнительнай производство дьыалатын иһинэн хадаатайыстыба уонна сайабылыанньа биэриэххэ сөп. Манна олох араас түгэнигэр барсар 30 типовой туһаайыы сурук киирэн сылдьар.  2022 сылга маннык туһаайыы суруктары ыытан, суут бириистэптэригэр сурук киириитин ахсаана 100 тыһыынчаҕа тиийбит.

 

Өссө биир электроннай көмөлөһөөччү – “Интернет-приемнай”  Суут бириистэптэрин федеральнай сулууспатын Саха сиринээҕи салаатын саайтыгар баар: r14.fssprus.ru. Сервис гражданнарга тута хоруйу ыытарга, үлэни уһаппакка толорон иһэргэ анаан үлэлиир. Бу сервис көмөтүнэн сайабылыанньаны, үҥсүүнү, этиилэргитин, махталгытын электроннай ньыманан ыытыаххытын сөп. Бу сыл саҕаланыаҕыттан “интернет-приемнай” нөҥүө Суут бириистэптэр сулууспаларын араас салаатыгар 6 тыһыынчаттан тахса сурук киирбит.

 

Интэриниэт сервистэринэн сатаан туһаммат дьоҥҥо анаан төлөпүөнүнэн үлэ сааһыланар. Өрөспүүбүлүкэ олохтоохторо суут бириистэптэрин сулууспаларын дуоһунастаах сирэйдэригэр төлөпүөнүнэн эрийэн кэлиэхтэрин сөп. 2022 сыл саҕаланыаҕыттан Управлениеҕа 25000 тахсата эрийбиттэр. Дьон үксүн нолуок хааччахтааһыннарын устуу, тырааныспары регистрациялааһыны бобууну устуу, баар исполнительнай производстволар тустарынан информацияны ыйыталлар.

 

Төлөпүөнүнэн иэскит кээмэйин, хайдах төлөһөрү, суут бириистэбигэр, сулууспа начаалынньыгар приемҥа кэлии туһунан билиэххитин сөп.

Нүөмэрдэрэ:

8 (4112) 31-96-97,

бэнидиэнньиктэн чэппиэргэ диэри

09.00-18.00 чч.,

эбиэт: 12.30-14.00 чч.

 

Бириистэптэри тус бэйэлэрин көрсөн кэпсэтиэн баҕалаахтар дьуһуурунай үлэһиттэргэ эрдэттэн суруттаран кэлиэхтэрин сөп. Ону тэҥэ исполнительнай процессуальнай быһаарыы күһэйиитэ оҥоһуллуон наада буоллаҕына, эмиэ тус приемҥа кэлиэххитин сөп: оптуорунньук аайы 09.00-13.00 уонна чэппиэргэ 13.00-18.00 чч.

 

Уочаракка өр күүппэт туһугар суут бириистэбигэр табыгастаах кэмҥэ приемҥа киирэргэ «Запись на прием» электроннай сервиһинэн туһаныҥ https://r14.fssp.gov.ru/fssponline/.

 

Гражданнарга табыгастаах буоллун диэн, Дьокуускай к. Каландаришвили, 7 аадырыһыгар дьону көрсөр зонаҕа дьуһуурунай ыйан-кэрдэн, туһааннаах информацияны булан биэрэр, сайабылыанньалары тутар, түмүк докумуоннары туттарар.

 

Информацияны ылар өссө биир эрэллээх суолунан «Банк данных исполнительных производств» сервис буолар. Бүгүҥҥү күннээххэ 100 тыһыынчаттан тахса киһи туһаммыт.

 

Гражданнар эбии информацияны сулууспа саайтыттан булуохтарын сөп. Онуоха «Вопрос-ответ» салаанан туһаныҥ: https://fssp.gov.ru/faq/, манна үгүстүк хатыланар ыйытыыларга бэлэм хоруйдары ылыахха сөп.

 

Биэдэмистибэ саайтыгар маны тэҥэ  «Интерактивный помощник стороны исполнительного производства» https://fssp.gov.ru/int_help диэн баар, кыһалҕаны быһаарыыга хас биирдии хардыыгытын этэн биэрэр кыахтаах.

Сонуннар

Ордук ааҕаллар

Өбүгэ ситимэ, күүһэ уонна көмүскэлэ
Дьон | 29.07.2022 | 18:00
Өбүгэ ситимэ, күүһэ уонна көмүскэлэ
Кэлиҥҥи кэмҥэ төрдү-ууһу үөрэтиигэ интэриэс күүһүрдэ. Бүгүн, «өбүгэ ситимэ, күүһэ уонна көмүскэлэ” диэн өйдөбүллэргэ олоҕуран, өбүгэлэрбит күннээҕи олохпутугар, куппутугар-сүрбүтүгэр дьайыыларын туһунан эмчит, удаҕан Анастасия Владимировна Картузовалыын сэһэргэһэбит.
Түргэнник оҥоһуллар салааттар
Тускар туһан | 29.07.2022 | 16:09
Түргэнник оҥоһуллар салааттар
“Венеция” Састааба: копченай халбаһы, оҕурсу, моркуоп, кукуруза, майонез. Халбаһыны, огурсуну, моркуобу барытын биир формалаан кырбыыбыт. Кукурузаны, майонеһы эбэбит.     “Нежность” Састааба: хаппыыста, копченай халбаһы, чеснок, петрушка, майонез, туус. Барытын кырбаан, чесногу олох бытархай гына кырбастаан баран, салааппытын майонезтаан кэбиһэбит.   “Суһал салаат” Састааба: крабовай палочка,  сухарик, кукуруза кэнсиэрбэтэ, пекинскэй хаппыыста, кытаанах сыыр,...
Валентина Колодезникова-Айыына:  Киһи баҕарыах эрэ тустаах
Дьон | 04.08.2022 | 10:00
Валентина Колодезникова-Айыына: Киһи баҕарыах эрэ тустаах
Бүгүҥҥү нүөмэрбитигэр мас ууһа Валентина Колодезникова--Айыынаны кытта кэпсэтэбит. Валентина-Айыына уустар түөлбэлээн үөскээбит Баайаҕа нэһилиэгиттэн төрүттээх. Тутуу биригээдэтин салайааччыта. Дьоҕурун сөпкө туһаммыт уонна киэҥ эйгэҕэ таһаарбыт уус.