Суукка иһигэр 45 киһи балыыһаҕа киирдэ

Регионнааҕы Суһал штаб иһитиннэрбитинэн, ааспыт суукка иһигэр коронавирус дьаҥынан ыалдьыбыт 45 киһи балыыһаҕа киирдэ. 
Бүгүн, олунньу 24 күнүнээҕи туругунан, COVID-19 ыалдьыбыт 1 019 киһи баара билиннэ, олортон 45 киһитэ балыыһаланна. 
Билиҥҥи туругунан ыарыһахтар уопсай ахсааннарыттан 8,0% балыыһаҕа сытан эмтэнэллэр, 92,0% – амбулаторнай көрүҥүнэн. 
Итиннэ даҕатан эттэххэ, ыарыы 40% түбэлтэтэ ыарахан көрүҥнээх «дельта» штаммы кытта сибээстээх. Итинник түбэлтэ барыта быһыыны ылбатах дьоҥҥо көстөр. 
Олунньу 24 күнүнээҕи туругунан, быһыы бастакы  компоненын 593 566 киһи ылбыт, ити эбэтэр өрөспүүбүлүкэ улахан дьонун 82,8%-на. Ревакцинацияны 141 701 киһи ааспыт — ити хос быһыыны ылар болдьохторо кэлбит дьонтон 59,3%-на.